1 SAMUEL 30:7 - KITTA' MATANGKASA'

⁷ Nampa nakanamo Daud ri Imang Abyatar ana'na Ahimelekh, “Erangi anjo efodka mae anrinni!” Jari naerammi Abyatar anjo efodka mae ri ia.

1 SAMUEL 30:7 Referans Kwoze

1 KARAENG-KARAENG 2:26

Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

1 SAMUEL 14:18

Nakanamo Saul ri Imang Ahia, “Erangi anjo efodka mae anrinni.” (Anjo alloa Ahia angngerangi anjo efodka ri dallekanna tu Israel.)

1 SAMUEL 10:22

Lanri kammana akkuta'nammi taua ri Batara angkana, “O Batara, apaka anjo taua nia'mi anrinni?” Appialimi Batara angkana, “Accokkoi Saul ri bokona barang-barang pakkakasaka.”

1 SAMUEL 14:19

Lalang a'bicarana Saul mae ri anjo imanga, pila' katambammi karicuanga lalang ri kemana tu Filistin, sa'genna nakanamo Saul ri anjo imanga, “Tena kisawe appala' pitunju' battu ri Batara!”