1 SAMUEL 3:13 - KITTA' MATANGKASA'

¹³ Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

1 SAMUEL 3:13 Referans Kwoze

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

PANGNGEBARANG 19:18

Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 2:17

Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

YEHEZKIEL 7:3

Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

YO"EL 3:12

Nakana pole Batara, “Sikamma bansaya musti sadiai siagang a'lampai mange ri Ka'bung Pangadelanga. AnjorengA' langngadeli bansa-bansa singngampi'na ummakKu.

KATO'BA 7:22

Musti nuasseng tongi kalennu angkana le'ba' tongi nutunrai parannu tau.

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

1 KARAENG-KARAENG 2:44

Baji' nuassenna sikontu kaja'dallannu mae ri manggeku. Lanri kammana minjo na laNahukkungko Batara,

PAOLE 17:12

Manna inai punna barani angngewai hakinga yareka imang tugasaka, musti nihukkung matei; kammaminjo nanupaccappu'mo kaja'dallang kammaya anjo ri Israel.

PAOLE 21:18

“Ebara' angkana nia' ana' bura'ne kapala batu, nangai angngewaya siagang taerokai mannuruki ri tau toana manna pole nale'ba'mo nihukkung ri tau toana.