1 SAMUEL 29:4 - KITTA' MATANGKASA'

⁴ Mingka larromi anjo sikamma panglimana tu Filistin mae ri Akhis na nakana ri ia, “Suroi anjo taua ammotere' mange ri kota le'baka nusareangi. Takkulleai amminawang a'bundu' siagang ikatte. Gassingka naalle battu ri bokojaki' lalang ri pa'bundukanga. Sai iaminne kasampatang sannaka baji'na ri ia untu' angngallei pa'mai'na karaenna punna nabuno ana' buata?

1 SAMUEL 29:4 Referans Kwoze

1 SAMUEL 14:21

Sikamma tu Ibrani niaka ammantang ri daerana tu Filistin, siagang amminawanga ri tantarana ke'nanga, a'gabung maemi ri Saul siagang Yonatan.

1 PATTOTTORANG 12:19

Ri wattunna Daud siagang tu Filistin ambunduki Karaeng Saul, nia' sipa'gang battu ri tantara suku Manasye a'limbang mange a'jari agang ri Daud. Sikontutojenna tena nabantui Daud anjo tu Filistin. Nisuroi ri sikamma pamimpinna tu Filistin ammotere' mange ri Ziklag lanri nakamallakkangi ke'nanga angkana laagang mangei ri Karaeng Saul anjo Daud siagang a'jari bali mae ri ke'nanga.

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

1 SAMUEL 27:6

Nampa Akhis napassareammi kota Ziklag mae ri Daud. Na iaminjo saba'na anjo kota Ziklag a'jarimi kotana karaeng-karaeng Yehuda sa'genna kamma-kamma anne.

1 SAMUEL 29:9

Appialimi Akhis angkana, “Nuassengi angkanaya inakke kukanako tena pamminranu sangkamma malaeka'Na Allata'ala. Mingka sikamma panglimaya anjo, le'baki natappuki angkanaya tena nukkulle amminawang a'bundu' siagang ikambe.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

KALAPPASSANG 1:10

Ebara' angkana a'jari bunduka, akkullei ke'nanga agang mae ri musua untu' ambaliangki', nampa lari ke'nanga ampilari anne pa'rasanganga. Musti a'boyaki' akkala' sollanna tena napila' katambang jaina ke'nanga.”

1 PATTOTTORANG 12:20

Iaminne areng-arenna sikamma pejuang battua ri suku Manasye, a'jari aganga mae ri Daud ri wattunna lalang pa'jappang Daud mange ri Ziklag: Adnah, Yozabad, Yediael, Mikhael, Yozabad, Elihu siagang Ziletai. Massing a'jari pamimpingi ke'nanga ri 1.000 tantara.