1 SAMUEL 29:1 - KITTA' MATANGKASA'

¹ Tu Filistin napa'rappungammi sikontu tantarana ri Afek, nampa tu Israel akkemai ri ampi'na timbuseng je'neka ri Lappara' Yizreel.

1 SAMUEL 29:1 Referans Kwoze

1 SAMUEL 4:1

Anjo wattua napagio' ngasemmi tu Filistin sikontu tantarana untu' ambunduki Israel. Lanri kammana majumi tantara Israel ri pa'bundukanga. Appare'mi kema ke'nanga ri ampi'na Eben-Haezer. Na tantarana tu Filistin appareki kema ri Afek.

1 KARAENG-KARAENG 21:1

Ri ampi'na balla' kakaraenganna Ahab ri Yizreel, nia' se're koko anggoro', niarenga Nabot patanna.

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

YOSUA 19:30

Uma, Afek, siagang Rehob. Kabusu'na anjo daeraya nia' ruampulo kota siagang sikamma desa-desa niaka ri tammulilina.

2 KARAENG-KARAENG 9:36

Le'ba'na nilaporo' anjo passalaka mae ri Yehu, nakanamo Yehu, “Anne kammaya le'ba'mi Natappu riolo Batara, ri wattunna akkana kamma anne tete ri Elia atanna: ‘Maya'na Izebel lanikanrei ri kongkong ri daera Yizreel,

2 KARAENG-KARAENG 9:30

Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

1 KARAENG-KARAENG 21:23

Na ri sesena Izebel, Nakana Batara angkanaya maya'na lanikanrei ri kongkong lalang ri kota Yizreel.

1 SAMUEL 28:4

Jari ri wattunna a'rappungang tantara Filistin siagang akkema ri ampi'na kota Sunem, napa'rappungang tommi Saul tu Israel, nampa akkema ke'nanga ri Moncong Gilboa.

HAKING-HAKING 6:33

Anjo wattua asse're ngasemmi sikontu tu Midian, Amalek siagang suku-suku maraenganga ri parang kassi' timboranna Binanga Yordan. A'limbangi ke'nanga ri Binanga Yordan, nampa appare' kema ri Lappara'na Yizreel.

YOSUA 19:18

Antamaya ri daerana ke'nanga iamintu: Yizreel, Khesulot, Sunem,

1 SAMUEL 28:25

Le'baki anjo napatalami anjo kanrea ri dallekanna Saul siagang pagawe-pagawena, nampa angnganre ke'nanga. Nampa a'lampamo ke'nanga anjo memang bangngia.

2 SAMUEL 2:9

Anjoreng, niangka'mi Isyboset ri Abner a'jari karaeng mae ri daera-daera Gilead, Asyuri, Yizreel, Efraim siagang Benyamin, ba'lalo mae ri sikontu Israel.

2 SAMUEL 5:17

Ri wattunna nalangngere' tu Filistin angkanaya nipa'jari karaemmi Daud ri Israel, battumi ke'nanga ero' anjakkalaki. Mingka nalangngereki Daud anjo passalaka, nampa a'lampa mange ri pattahangnganga.

PAMMUJI 83:7

bansa Edom, siagang Ismael, tu Moab siagang Hagar;

YOSUA 17:16

Appialimi anjo turunganna Yusuf angkana, “Tanggannakkai luara'na anjo daera pa'monconganga untu' ikambe, nampa anjo bansa Kanaan niaka ammantang ri lappara'-lappara' rawaya jai kareta bundu'na, bassia nipare', baji' niaka ammantang ri Bet-Sean siagang desa-desa niaka ri tammulilina, kammayatompa niaka ammantang ri Ka'bung Yizreel.”

HAKING-HAKING 7:1

Ri se'reang allo, bari'basa' dudumi ambangung Gideon, siagang taunna. A'lampai ke'nanga appare' kema ri ampi'na timbuseng je'neka ri Harod. Na ia kemana tu Midian niaki ri warakkanna ke'nanga, ri lappara' ambania ri Bulu' More.