1 SAMUEL 28:18 - KITTA' MATANGKASA'

¹⁸ Ikau nubaliammi parentaNa Batara siagang tena nanuero' angngancuruki tu Amalek kammayatompa sikontu barang-baranna ke'nanga. Iaminjo saba'na nanipakammako anne ri Batara ri kamma-kammaya anne.

1 SAMUEL 28:18 Referans Kwoze

1 KARAENG-KARAENG 20:42

Jari nakanamo anjo na'bia ri karaenga, “Iaminne Nakananga Batara: ‘Tau Kuparentakanga Kusuro buno nulappassammi attallasa'. Lanri kammana anjo musti mateko a'jari sambenna. Tantaranu laancuruki lanri nalappassanna lari tantara musua.’ ”

YEREMIA 48:10

Nitunrai tau tenaya naero' anggaukangi tugasa' battua ri Batara siagang attojeng-tojeng. Nitunrai tau tenaya nabi'buki pa'danna untu' ammuno.

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

1 SAMUEL 15:20

Appialimi Saul angkana, “Kuturukimi parentaNa Batara, siagang a'bundu'ma' situru' passuroNa mae ri nakke. Agag karaeng Amalek kujakkala'mi nampa sikontu tu Amalek le'ba'mi kubuno.

1 SAMUEL 13:9

Lanri kammana, nakanamo ri ke'nanga, “Erangi mae anjo koro'bang nitunua siagang koro'bang pappasiamaka.” Nampa kalenna ampassareangi anjo koro'bang nitunua.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.