1 SAMUEL 25:36 - KITTA' MATANGKASA'

³⁶ Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.

1 SAMUEL 25:36 Referans Kwoze

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

2 SAMUEL 13:23

Ruan taung ribokoanganna appare'mi passua'-suarrang Absalom lanri anggoncinna bulu gimbala' ri Baal-Hazor, ri ampi'na kota Efraim. Naundang kabusu'mi ana' bura'nena karaenga.

1 SAMUEL 25:19

Nampa nakanamo mae ri palayang-palayanna, “A'jappa riolo mako ri dallekangku; sinampe' kumminawang.” Mingka tena sikali napauangi bura'nenna.

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LUKAS 14:12

Nampa Nakana Isa ri patanna balla', “Punna angngundangko tau battu angnganre allo yareka angnganre bangngi, teako naagannu yareka sari'battannu akkalumanynyanga, yareka bijannu, yareka sambori'nu akkalumanynyanga nuundang. Gassingka lanaundang tongko, sa'genna nutarimami pa'balasa'na undangannu.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

YEREMIA 51:57

LaKupa'jari nasa'ringi sikamma pagawena Babel – sikamma tau cara'de'na, sikamma pamimpinna siagang tantarana. Tenamo nalambangung-bangung ke'nanga ammotere', attinromi sa'genna satunggu-tungguna. INakkemi le'ba' a'bicara; iNakkemi Karaeng, iNakke Batara Kaminang Koasaya.

YESAYA 28:3

Kalompoang pa'mai'na anjo sikamma pamimping nasa'ringa lanionjo'-onjokangi.

YESAYA 5:11

Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

1 KARAENG-KARAENG 20:16

Appakkaramulai maju ri wattunna allo, ri wattu sitabanna angnginung-nginung Benhadad siagang anjo tallumpuloa karaeng naaganga sita'gala', sa'genna nasa'ring ke'nanga lalang ri kemaya.

1 SAMUEL 25:37

Ammukona bari'basa', ri tenanamo nasa'ringi Nabal, nipauammi ri bainenna sikamma anjo kaja'dallanga. Nampa anggappamo garring silalonna Nabal nampa a'jari lamma ngasemmo sikontu batangkalenna.

2 SAMUEL 3:20

Ri wattunna andallekang Abner siagang ruampulo ana' buana ri Daud ri Hebron, appare'mi passua'-suarrang Daud untu' ke'nanga.