1 SAMUEL 25:21 - KITTA' MATANGKASA'

²¹ Anjo wattua sitabangi appikkiri' Daud angkanaya, “Sia-siaji kujagaiang barang-baranna anjo taua ri parang lompoa! Tena manna sike'de' dudu apa-apanna tappela'. Nampa kamma-kamma anne nabalasaki kabajikangku siagang kaja'dallang!

1 SAMUEL 25:21 Referans Kwoze

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

1 PETRUS 3:17

Bajikangangi sessaya lanri a'gau' baji' – punna Nakaerokang Allata'ala – naia sessaya lanri a'gau' ja'dalaka.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PAMMUJI 37:8

Teako larroi siagang teako bambangi nyawanu, anjo cilakaji bawang naerang.

PAMMUJI 35:12

KabajikanTa nabalasaki kaja'dallang; tallanga' lalang ri tappu' minasaku.

AYUB 30:8

Tena arenna ke'nanga siagang tena anggaranna, tau nibongkayamo battu ri pa'rasanganna.

1 SAMUEL 25:13

Naparentakammi Daud angkana, “Massing pasikko' ngasengi pa'dannu ri aya'nu!” Silalonna memang nanagaukammo ana' buana anjo apa naparentakanga. Napasikko' tommi Daud pa'danna ri aya'na nampa a'lampa siagang kira-kira nia' 400 tau, nampa nia' 200 ammantang untu' a'jaga barang-barang.

PA'JARIANG 44:4

Tenapa nabella ke'nanga battu ri kotaya anjo, nakanamo Yusuf ri kapala palayanna, “Ondangi linta' anjo taua. Punna nurapi' ke'nanga, angkana mako ri ke'nanga angkana, ‘Angngapa nubalasaki kabajikanga siagang kaja'dallang?

1 SAMUEL 25:7

Kulangngere' kabaraki angkanaya sitabangi nucukkuru' bulunna gimbala'nu. Parallui nuasseng angkanaya sikamma pakalawakinnu niaka ri daerana ikambe, tena le'bakai niganggu ri kambe, kammayatompa tena le'bakapi nia' apa-apanna ke'nanga tappela' baku' nia'na ri Karmel.

1 SAMUEL 25:15

Nampa anjo ke'nanga sanna' baji'na mae ri kambe. Tena le'bakai kambe niganggu, siagang pole tena le'bakai nia' apa-apanna ikambe tappela' baku'na siagang ikambe ke'nanga ri parang lompoa.

1 SAMUEL 25:20

Abigail nabaemi keledaina, na ri wattunna anrapi' ri se'reang pa'lekkoang ri biring moncong, assibuntulu'mi siagang Daud siagang ana' buana, ia sitabanga naung a'jappa mae ri ia.