1 SAMUEL 25:11 - KITTA' MATANGKASA'

¹¹ Kemae lakkulle kualle rotiku siagang je'ne' inungku kammayatompa dageng le'baka kupasadia untu' sikamma pacukkurukku, nampa kupassareang ngaseng mae ri tau tenaya nattantu assala'na!”

1 SAMUEL 25:11 Referans Kwoze

HAKING-HAKING 8:6

Mingka appialimi pamimping-pamimping niaka ri Sukot angkana, “Tenapa nanujakkalaki Zebah siagang Salmuna, nanuppala' ngasemmo kanre! Apa matu-matunna nisare kanre taunnu?”

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

1 PETRUS 4:9

Paralluko massing sitoana baji' ri balla'nu, siagang teako akkunrarengi.

2 KORINTUS 6:9

Nikanamo tau tena angngassengki', mingka niasseng ngasengki' ri tau jaia. Nikana mate maki', mingka ma'nassa attallasa' ijaki'. Manna kinisessa, mingka tamateajaki'.

AYUB 31:17

Tenale'bakai kubalang parekang ana' kukanga cipuru', nampa inakke ganna' ri kanre.

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

HAKING-HAKING 8:15

Le'baki anjo a'lampami Gideon amboyai pamimping-pamimpinga ri anjo kotaya. Nakanamo ri ke'nanga, “Tantu nuu'rangi ngasengiji ri tenana nanuero' antulunga', lanri tenanapa nakujakkalaki Zebah siagang Salmuna. Sai kammai anjo? Taerokako assarea' kanre siagang taungku nanuasseng angkanaya sanna' ngaseng mangnganna ke'nanga anjo wattua. Anne cini'mi Zebah siagang Salmuna.”

1 SAMUEL 25:7

Kulangngere' kabaraki angkanaya sitabangi nucukkuru' bulunna gimbala'nu. Parallui nuasseng angkanaya sikamma pakalawakinnu niaka ri daerana ikambe, tena le'bakai niganggu ri kambe, kammayatompa tena le'bakapi nia' apa-apanna ke'nanga tappela' baku' nia'na ri Karmel.

1 SAMUEL 25:12

Jari ammotere'mi anjo ana' buana Daud mange ri Daud nampa napabattu mae ri ia anjo kana-kananna Nabal.

HAKING-HAKING 8:8

Napannarrusu'mi pa'jappana Gideon, sa'genna anrapi' mange ri Pnuel. Anjoreng appala' tommi kanre untu' taunna. Mingka sangkamma le'baki pappialinna taua anjoreng siagang taua ri Sukot.