1 SAMUEL 23:17 - KITTA' MATANGKASA'

¹⁷ Nakana Yonatan ri ia, “Teako mallakki, tena nulatu'guru' antama' ri limanna manggeku. Baji' naassenna angkanaya ikau la'jari karaeng Israel, siagang inakke langgappa empoang rawangannu.”

1 SAMUEL 23:17 Referans Kwoze

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 24:20

Kamma-kamma anne tappa'ma' angkanaya ikau la'jari karaeng ri Israel, siagang angkanaya lakassaki kakaraenganna Israel irawangang parentanu.

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

LAMPA-LAMPANA 28:16

Ri wattunna battu mange ri Roma nipa'biammi Paulus ammantang akkale-kale siagang nijagai ri sitau tantara.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

ROMA 15:24

Sallang punna a'lampa' mange ri pa'rasangang Spanyol, erokka' assengka ri kota nupammantangia; nakuma'minasa sollanna akkulleki' assibuntulu', nakukkulle a'rannu-rannu sinampe' siagang ikau ngaseng. Napunna le'baki anjo, kuminasai sollanna akkulle ngasengko ambantua' untu' anjo pa'lampangku mange ri Spanyol.

LAMPA-LAMPANA 5:39

Mingka punna apa-apa battu ri Allata'ala anjo napangngajarranga siagang nagaukanga ke'nanga, ma'nassa takkulleako ambetai ke'nanga. Ba'lalo akkullei a'butti angkanaya nuewai Allata'ala.” Natarimami sidanga anjo pappakainga'na Gamaliel.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

PANGNGEBARANG 14:26

Tau mappilangngeria ri Batara a'jari amangi, siagang kaluargana lania' pa'la'langanna.

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

1 SAMUEL 22:23

Ammantang mako siagang inakke anrinni, siagang teako mallakki. Eroki Saul ambunoko, mingka ero' tongi ambunoa'. Jari laamangko anrinni ri tampakku.”

1 SAMUEL 24:21

Kamma-kamma anne a'janji mako ri nakke lanri Batara, angkanaya tena nalanubuno turungangku, siagang tena todong nalanuapusu' arenna kaluargaku!”

1 SAMUEL 25:30

LaNagaukangi Batara sikontu kabajikang le'baka Napa'janjiang mae ri karaengku, siagang tasalloami naNaangkakki' a'jari karaeng ri Israel.

YESAYA 35:3

Pakajarreki limanna tau lammaya, kassaki kulantu' ta'lenggaya.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”