1 SAMUEL 23:14 - KITTA' MATANGKASA'

¹⁴ Le'baki anjo ammantammi Daud ri kali'bong-kalibong niaka ri monconga, ri parang lompona Zif. Tuli niondang mange-mangemi ri Saul, mingka tanipassareangai mae ri anjo karaenga.

1 SAMUEL 23:14 Referans Kwoze

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

YOSUA 15:55

Kammayatompa anne sampuloa kota siagang desa-desa niaka ri tammulilina: Maon, Karmel, Zif, Yuta, Yizreel, Yokdeam, Zanoah, Kain, Gibea siagang Timna.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

YEREMIA 36:26

Ba'lalo karaenga naparentakangi ri ana' bura'nena iamintu Yerahmeel siagang Seraya ana'na Azriel siagang Selemya ana'na Abdeel, sollanna najakkalakka' siagang Barukh juru tulisikku. Mingka nicokkoi ikambe ri Batara.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

PANGNGEBARANG 4:16

Tau ja'dalaka takkulleai attinro punna tenapa nagaukangi apa tenaya nabaji'. Tata'do'dokai ke'nanga punna tenapa nabalai paranna tau.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”

1 SAMUEL 23:7

Ri wattunna nipauang Saul angkanaya niaki Daud ri Kehila, appikkiri'mi Saul angkana, “Napassareammi Allata'ala anjo Daud mae ri nakke. Takkurummi nasaba' antama'mi ri kota niaka tembo'na siagang niaka pakke'bu' lompona.”

1 SAMUEL 23:15

Mingka manna nakamma malla' tonji Daud, lanri ero'na Saul ambunoi. Ri se'reang wattu niaki Daud ri Hores, ri parang lompo Zif.

1 SAMUEL 24:11

Ciniki Bapa'! Ciniki anne polonna jubata anne nata'galaka atanta. Sitojenna akkullei atanta ambunoki', mingka poro napolonji bawang sike'de' atanta anjo biring jubata. Jari a'nassami angkanaya tena pikkirang ja'dala'na yareka dorakana atanta mae ri katte. Kiondang mange-mangei atanta lanri erotta ambunoi, manna natena kasalanna atanta mae ri katte manna sike'de' dudu.

2 PATTOTTORANG 11:8

Gat, Mares, Zif,

PAMMUJI 55:7

Uh, ebara' angkana akka'nyika' sangkamma jangang-jangang bodobangkeng, lanri'baka' mange a'boya tampa' sannang.