1 SAMUEL 22:6 - KITTA' MATANGKASA'

⁶ Ri se'reang allo ammempoi Saul irawangang se'reang poko' kayu irate ri Bonto Gibea. Nata'galaki pokena, nampa nia' ngaseng perwira tantarana ri ampi'na ammenteng. Nalangngere'na angkana niassemmi tampa'na Daud siagang ana' buana,

1 SAMUEL 22:6 Referans Kwoze

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.

1 SAMUEL 19:9

Ri se'reang allo sitabangi Saul ammempo ri balla'na, na anna'gala' poke. Ti'ring nibattuimi pole Saul ri roh ja'dala' Nasuroa Batara. Anjo wattua sitabangi napasa'ra Daud kacapinna.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

HAKING-HAKING 4:5

Biasai ammempo Debora irawanganna poko' kormaya, niaka ri alla'na kota Rama siagang kota Betel, ri daera monconna Efraim. Anjoremmi battu tu Israel mange appala' pappakainga' battu ri ia.

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

1 SAMUEL 14:2

Anjo wattua sitabangi Saul nia' irawanganna poko' kayu delima ri Migron, tena nabella battu ri Gibea. Ra'ya' niaka amminawang ri ia kira-kira 600 tau jaina.

1 SAMUEL 31:13

Sikontu buku-bukunna dipasse'rei nampa ditarawang irawanganna se'reang poko' kayu ri anjo kotaya. Nampa appuasa ke'nanga tuju allo sallona.