1 SAMUEL 21:8 - KITTA' MATANGKASA'

⁸ Nampa akkuta'nammo Daud ri Ahimelekh angkana, “Maka nia' poke yareka pa'dang kiboli', akkullea kupake bapa'? Parentana karaenga battu silalonna dudui, sa'genna a'lampa karo-karo dudua', natenamo kusawe angngalle pa'dang yareka sanjata maraengannaya.”

1 SAMUEL 21:8 Referans Kwoze

1 SAMUEL 21:7

Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)

1 SAMUEL 21:9

Appialimi Ahimelekh angkana, “Nia' kuboli' pa'danna Goliat, anjo tu Filistin le'baka nubuno ri Lappara' Ela. Anjo pa'danga niaki ri boko Efod, nirokoka kaeng. Punna erokko, alle mami, nasaba' iaji anjo bawang sanjata niaka anrinni.” Nakanamo Daud, “Anjo pa'danga, iami pa'dang kaminang bajika ri sikontu pa'rasangang, passareammi mae ri nakke!”

1 SAMUEL 22:9

Doëg, kapala pakalawakinna Saul, nia' tongi anjo wattua anjoreng siagang sikamma perwira tantarana Saul. Nakanamo Doëg, “Le'baki nacini' atanta battu Daud mange ri Ahimelekh ana'na Ahitub ri Nob.

1 SAMUEL 22:22

Jari nakanamo Daud mae ri ia, “Ri wattunna kucini' Doëg nia' anjoreng anjo alloa, kuassemmi angkanaya musti a'jammaki ri Saul. Jari inakkemi tanggong jawa' mae ri kamateanna anjo sikontu bijannu.

ESTER 8:14

A'lampami anjo sikamma tunisuroa, a'dongko' jaranna karaenga. Kammayatompa ri Susan, ri ibukotana anjo pa'rasanganga, nibaca tommi anjo parentaya.

LUKAS 10:4

Teako angngerangngi pammoneang doe', yareka purukang pammoneang passidakka, yareka sapatu. Teako ammantangngi ri tangngana aganga untu' assare sallang manna pole ri nai.