1 SAMUEL 20:31 - KITTA' MATANGKASA'

³¹ Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 20:31 Referans Kwoze

1 SAMUEL 20:8

Appala' tulunga' ri kau, nasaba' le'ba' maki' assijanji ri dallekanNa Batara. Mingka punna nia' salangku, bunoma', mingka teako passareangia' mae ri manggenu.”

1 SAMUEL 19:6

Sadara'mi Saul lanri kana-kananna Yonatan, nampa assumpamo lalang arenNa Batara angkanaya tena nalanabuno Daud.

PAMMUJI 79:11

Kipilangngeri laloi kunrarenna sikamma tau nitahanga; poro sikamma tau nipattantua lamate nitallassi lanri koasaTa.

2 SAMUEL 19:28

Sikontu kaluargana manggena atanta siratangi kihukkung mate, mingka anne inakke atanta ba'lalo kisarea' pangngellai sipangnganreang ri balla' kakaraenganga. Kamma-kamma anne tabaraniami atanta appala' ija apa-apa battu ri katte karaeng.”

1 SAMUEL 26:16

Tena nusanggu' anggaukangi tugasa'nu Abner! Lanri Batara mattallasaka, ikau ngaseng siratangko nibuno, lanri tena nanujagai karaennu, karaeng Napilea Batara. Ciniki sai, kemaei pokena karaenga? Kemaei pammoneang je'ne'na niaka ri ba'leang ulunna sumpaeng?”

1 SAMUEL 20:30

Nalangngere'na anjo a'jari larro sikalimi Saul mae ri Yonatan siagang nakana, “Ana' harang lompo! Kamma-kamma anne kuassemmi angkanaya nualleangangi Daud na nupakasiri' kalennu siagang amma'nu!

1 SAMUEL 23:17

Nakana Yonatan ri ia, “Teako mallakki, tena nulatu'guru' antama' ri limanna manggeku. Baji' naassenna angkanaya ikau la'jari karaeng Israel, siagang inakke langgappa empoang rawangannu.”

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”