1 SAMUEL 20:13 - KITTA' MATANGKASA'

¹³ Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.

1 SAMUEL 20:13 Referans Kwoze

1 PATTOTTORANG 22:16

bulaeng, pera', parunggu, siagang bassi. Jari appakkaramula mako linta'! Poro Natulungko Batara.”

1 PATTOTTORANG 22:11

Nampa nakanamo pole Daud, “Kamma-kamma anne, anakku, poro tuli natulungko Karaeng Allata'alanu. Siagang poro a'wasselekko ambangung balla' untu' Batara sangkamma anjo apa le'baka Napa'janjiang.

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”

RUT 1:17

Kemae-kemaeki' mate, anjoreng tomma' ero' mate siagang nitarawang. Poro Nahukkunga' Batara sibatta'-battala'na, punna erokka' assisa'la' siagang ikatte, pantaranganna kamateanga ampasisa'lakki'!”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

1 SAMUEL 3:17

Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”

1 KARAENG-KARAENG 19:2

Jari akkirimmi kabara' Izebel mae ri Elia angkana, “Poro nahukkunga' rewataya, ba'lalo nabunoa', punna ammuko ri wattu kamma-kammaya anne, natena nakupakamma tongko anjo apa le'baka nugaukang mae ri anjo na'bi-na'bi Baal.”

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

2 SAMUEL 3:35

Sikabusu'na alloa taua anynyonyoki Daud sollanna angnganre sike'de', mingka assumpai angkana, “Poro Nabuno laloa' Allata'ala punna angnganrea' lalang tenanapa nalabu alloa!”

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.

1 SAMUEL 10:7

Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

1 SAMUEL 19:3

La'lampa' mange ri paranga siagang manggeku siagang ammenteng ri ampi'na tampa' nupaccokkoia anjo. Nampa la'bicara' siagang manggeku ri passala'na anjo usahana ero' ambunoko. Lakupabattuangko sallang anjo wassele' pambicaraangku siagang ia.”

1 SAMUEL 20:12

Nampa nakana Yonatan ri Daud, “Tapporo Batara, Allata'alana Israel a'jari sa'bi mae ri katte! Ammuko bari'basa' yareka ammembara', ri wattu kamma-kammaya anne, lakuusahakangi angngassengi bone atinna manggeku. Punna bajiki mae ri kau, lakkiringa' kabara' mae ri kau.

1 SAMUEL 20:14

Na punna attallasa' ija', u'rangi anne parjanjianta ri dallekanNa Batara, siagang teako amminrai pa'mai'nu mae ri nakke; mingka punna tenama',

1 KARAENG-KARAENG 1:37

Antekamma bateNa Batara le'ba' anrurungangki', poro Iatommi anrurungangi Salomo. Tapporo Batara ampa'jari la'bi poreangngangi pamarentahanna na pamarentahanta.”