1 SAMUEL 2:7 - KITTA' MATANGKASA'

⁷ Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 2:7 Referans Kwoze

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

AYUB 5:11

Iami Allata'ala ampakatinggi tau tunaya, ampakate'nei tau susaya.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

PAMMUJI 102:10

Angnganrea' limbu'bu' sanrapang roti, je'ne' inungku accampuru' je'ne' mata,

2 KARAENG-KARAENG 9:6

Nampa antama'mo ke'nanga sipa'rua ri ballaka, nampa napatiri'mo na'bi rungkaya anjo minynya' zaitunga nai' ri ulunna Yehu siagang nakana, “Nakana Karaeng Allata'alana Israel, ‘Kulantikko a'jari karaeng mae ri ummakKu Israel.

AYUB 40:12

Iyo, ciniki tau borroa, siagang padundui! Licaki tau ja'dalaka ri tampa'na

1 PATTOTTORANG 29:12

Sikontu kakalumanynyanganga siagang kasalewanganga iKatte ngaseng nakabattui; sikontu-kontuna iKatte ngaseng angkoasai lalang kagassinganTa siagang kakoasanTa; iKatte makoasa ampa'jari manna inai-nai a'jari tau lompo siagang magassing.

2 PATTOTTORANG 32:27

A'jarimi Karaeng Hizkia sanna' kalumanynyanna, siagang nipakalompoi ri sikontuna taua. Appare'mi kamara'-kamara' untu' pammolikang barang-baranna, iamintu: bulaeng, pera', batu-batu paramata, rampa-rampa, pannangkisi', siagang barang-barang maraengannaya.

2 PATTOTTORANG 32:29

Pantaranganna anjo ambangung tongi jai kota. Anjo kakalumanynyangngang Napassareanga Allata'ala mae ri ia alla'bi-la'bi.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

YEREMIA 49:15

LaNapa'jari lammako Batara siagang nihina ri taua.

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”