1 SAMUEL 2:27 - KITTA' MATANGKASA'

²⁷ Ri se'reang allo, nia'mo se're na'bi battu mae ri Eli na napabattu pappasang battua ri Batara, nakana, “Ri wattunna boe-boenu iamintu Harun siagang kaluargana a'jari ata ri karaeng Mesir, Kupa'nyatami KalengKu mae ri Harun.

1 SAMUEL 2:27 Referans Kwoze

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

KALAPPASSANG 4:27

Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

1 SAMUEL 9:4

Jari a'lampami Saul siagang palayanna antulakkangi daera pa'bulukanna Efraim siagang butta Salisa. Mingka tanagappayai anjo olo'-oloka. Nampa a'jappa tulusu' ke'nanga mange ri butta Sahalim, mingka tena tongi anjo keledai-keledaia anjoreng. Naboya tommi ri daera Benyamin, mingka sia-siaji.

HAKING-HAKING 6:8

Nasuromi Batara se're na'bi battu mae ri ke'nanga. Nakanamo anjo na'bia, “Kammaminne kananNa Batara, Allata'alana tu Israel; ‘Le'ba' mako Kulappassang battu ri nipare' atanu ri butta Mesir.

KALAPPASSANG 12:43

Nakana Batara mae ri Musa siagang Harun, “Iaminne paratoranna punna nipakalompo allo Paskaya. Bansa maraenga takkulleai angnganre dageng gimbala' nipassareanga ri allo Paskaya.

KALAPPASSANG 12:1

A'bicarami Batara mae ri Musa siagang Harun ri butta Mesir. Nakana,

1 SAMUEL 3:12

Anjo wattua laKugaukammi sikontu apa le'baka Kupau laKugaukang mae ri kaluargana Eli battu ri uru-urua sa'genna kala'busang.

1 KARAENG-KARAENG 2:27

Nampa nasuromo Salomo ammari a'jari imang anjo Abyatar. Lanri nagaukanna Salomo anjo kammaya, a'buttimi apa le'baka Napau Batara ri Silo ri passala'na turunganna Imang Eli.

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”