1 SAMUEL 2:2 - KITTA' MATANGKASA'

² Tena matangkasa' sangkamma Batara! Iaji bawang akkulle a'jari pa'la'lang.

1 SAMUEL 2:2 Referans Kwoze

2 SAMUEL 22:32

Lanri Batara bawang Allata'ala; Allata'ala bawang angngalleiki'.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

1 PETRUS 1:16

Nia' tattulisi' lalang ri Kittaka angkanaya, “Paralluko matangkasa', nasaba' iNakke tangkasaka'.”

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAOLE 3:24

O, Batara Kaminang Tinggia, kuassengi Batara, angkanaya anne sikamma apa Kipappicinikanga mae ri nakke, nampami pakaramulanna sikamma gau' malompoTa siagang gau' mappakalannasatTa. Tena ruanTa Allata'ala ri langika kammayatompa ri buttaya, akkullea anggaukangi sikamma gau' hebaka.

KAIMANGNGANG 19:2

ampabattui mae ri bansa Israel anne parentaya angkana, “Paralluko matangkasa', nasaba' iNakke Karaeng Allata'alanu matangkasakKa'.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 6:3

Akkioki ke'nanga battu ri se'rea mae ri maraengannaya angkana: “Matangkasa', matangkasa', matangkasa'. Matangkasaki Batara Kaminang Koasaya. Rassi linoa ri kahaderang mala'biri'Na.”

PAMMUJI 111:9

Napakabebasaki umma'Na, appareki parjanjiang mannannungang siagang ke'nanga. Iami Batara matangkasa' siagang sannaka poreNa!

PAMMUJI 99:5

Pakala'biriki Batara Allata'alata, su'jukki' ri dallekang empoang kala'biranNa, Iami matangkasa'!

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAMMUJI 99:9

Pakala'biriki Karaeng Allata'alata, sombai ri bulu' matangkasa'Na, saba' matangkasaki Karaeng Allata'alata.

PAMMUJI 73:25

Inai kupatang ri suruga pantaranganna iKatte? Pantaranganna iKatte tena kukaeroki ri lino.

PAMMUJI 71:19

O, Allata'ala, kaadelanTa sanrapangi langika tinggina; tamaka lompona sikamma panggaukanTa; inaimi akkulle ampasangkammaiKi?

PAMMUJI 71:3

A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

PAMMUJI 18:2

Mangngaia' ri Katte, o, Batara, iKattemi kagassingangku.

PAOLE 32:20

Nakana, ‘Tena naKujampangi; ciniki mami apa lakajarianga. Nasaba' anjo bansaya kapala batui, tena sikali namajarre' pa'mai'na ke'nanga.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

ROMA 4:8

Salamakko ri mate'nea tau tenaya nanituntuki dosa-dosana ri Batara!”

2 SAMUEL 7:22

IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

2 SAMUEL 22:3

Batara rapang pattahangngang makassa' a'jari tampa' pa'la'langangku. Allata'alaku rapang moncong batu, tampa' pa'la'langangku. Rapang pa'lapa' barambang antongkoka', siagang anjagaia' sollangku tuli amang.

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

PAMMUJI 18:31

Sukku' ganna'na panggaukanNa Allata'ala akkulle nipatappa' janjinNa Batara. Sanrapangi pa'lapa' ri batangkale mae ri sikontu tau ma'la'langa mae ri Ia.

PAMMUJI 99:3

Boli'mi kamma mammuji ke'nanga ri areng mala'biri'Na. Iami matangkasa'!

KAIMANGNGANG 11:44

INakke Karaeng Allata'alanu, lanri kammana anjo jagai kalennu sollannu tuli matangkasa', lanri iNakke matangkasakKa'.

KAIMANGNGANG 11:45

INakkemi Batara angngerangko assulu' battu ri butta Mesir, sollangKu akkulle a'jari Allata'alanu. Musti matangkasakko, lanri iNakke matangkasakKa'.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.