1 SAMUEL 2:17 - KITTA' MATANGKASA'

¹⁷ Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.

1 SAMUEL 2:17 Referans Kwoze

MALEAKHI 2:13

Siagang anne pole paggaukannu maraenga. Tampa' pakkoro'bangnganNa Batara nupirassi je'ne' mata; angngarrukko siagang appiraungko lanri taerokami Batara antarimai koro'bang-koro'bannu.

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 6:11

Mingka sikontu tau maraengannaya ja'dala' ngasengi ri paccini'Na Allata'ala. Jai sikali panggaukang palla' kajariang ri kere-keremae.

MATIUS 18:7

Teai sipato' cilakana anne linoa lanri jaina passabakkang na'jari doraka rupataua. Mingka memang tuli lania'na anjo passabakkang kammaya. Mingka la'biangampa cilakana tau a'jari passabakkanga nadoraka paranna tau!

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

2 KARAENG-KARAENG 21:6

Ana' kalenna napassareang a'jari koro'bang nitunu. Nagaukang tongi Manasye gau'-gau' sanroa, a'jari paciniki, ammakei pangngissengang, siagang appalaki pangngunju' mae ri roh-roh tanicinika. Sanna' dorakana mae ri Batara sa'genna napanai'mo larroNa Batara.

PA'JARIANG 10:9

Lanri pannulunNa Batara nanipa'jarimo tau pore ammurang. Lanri kammana minjo nabiasa taua angkana, “Poro Napa'jariko Batara tupore ammurang sangkamma Nimrod.”

1 SAMUEL 2:16

Punna appiali anjo taua angkana, “Bajikangang nipinawangi paratoranga, na nitunu rolong anjo jannaya; le'bappi anjo akkullemi nualle situru' pangngainu,” lanakanamo anjo pambantua, “Tena, kamma-kamma anne musti nusare memamma'. Punna tena, lakualle passai.”

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.