1 SAMUEL 2:11 - KITTA' MATANGKASA'

¹¹ Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

1 SAMUEL 2:11 Referans Kwoze

1 SAMUEL 3:1

Lalang kammana anjo, anjo Samuel, ana'-anaka ija, allayani ri Batara nipimping ri Eli. Anjo wattua langkara' sikali nania' pappasang siagang paccini' battu ri Batara.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 1:28

na lanri kammana minjo nakupassareang anne anaka untu' a'jari Napatang Batara lalang sikontu tallasa'na.” Le'baki anjo assambayammi ke'nanga ri Batara.

1 SAMUEL 3:15

Le'baki anjo attinromi pole Samuel. Na ri wattu bari'basa'na ambangummi siagang nasungkemi sikamma pakke'bu' Balla'Na Batara. Mallaki ampauangi Eli anjo apa le'baka nacini'.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.