1 SAMUEL 2:1 - KITTA' MATANGKASA'

¹ Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

1 SAMUEL 2:1 Referans Kwoze

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

PAMMUJI 89:17

Sila'busu' allo rannu ke'nanga siagang tuli majarre', lanri kabajikanTa.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

PAMMUJI 20:5

Poro Nasareko sikontu nukaerokia, na Napa'jari sikamma rancananu.

PAMMUJI 9:14

Cinikima' anne, nisessa ri musua; kamaseanga', o, Batara, Kilappassanga' battu ri kamateanga,

PAMMUJI 35:9

Kumakkio' ma'rannu-rannu lanri Batara, rannui pa'maikku lanri Ia ampasalamakka'.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

HABAKUK 3:18

tuli larannuna pa'maikku, nasaba' iKatte Karaeng Allata'ala mappasalamakku.

PAMMUJI 118:14

Batara kagassingangku siagang panynyombangku, Iami le'ba' ampasalamaka'.

PAMMUJI 89:24

Sikontu musunna laKuballassi, inai-nai angkabirisi Kubunoi.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

PAMMUJI 51:15

Nalakupangngajarrang parentaTa mae ri tau dorakaya, sollanna ammotere' ke'nanga mae ri Katte.

PAMMUJI 18:2

Mangngaia' ri Katte, o, Batara, iKattemi kagassingangku.

HABAKUK 3:1

Iaminne pappala' doanna Habakuk:

PAMMUJI 75:10

Mingka latuli kukabarrangi Allata'alana Yakub, kukelongangi lagu-lagu pammujia mae ri Ia.

PAMMUJI 71:8

Tuli mammujia' mae ri Katte, sila'busu' alloi kukabarrang kalompoanTa.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

AYUB 16:15

Ammakea' karung tanra si'na, na kummempo ri au lanri nibeta.

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

1 SAMUEL 1:6

Hana tuli nipa'risi nyawana siagang nihinai ri Penina anjo marunna, lanri tenana nisarei ana' ri Batara.

1 SAMUEL 1:7

Kammaminjo kajariang taung-taung. Punna a'lampa ke'nanga mange ri Balla'Na Batara, tuli nipa'risi nyawana Hana ri Penina. Biasai Hana angngarru' siagang taerokai angnganre lanri nihinana.

2 PATTOTTORANG 20:27

Nampa napimping Yosafat sikontu pasukanga ammotere' mange ri Yerusalem. Rannui nyawana ke'nanga lanri Nabetanamo Batara musunna ke'nanga.

PAMMUJI 21:2

O, Batara, ma'rannui karaenga lanri Kisarena kagassingang; ma'reja-rejai lanri Kisarena pammetang!

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.