1 SAMUEL 19:7 - KITTA' MATANGKASA'

⁷ Le'baki anjo nakio'mi Yonatan anjo Daud, nampa nacarita ngaseng sikamma pambicaranga sumpaeng. Nampa nierang Daud ri Yonatan mange ri Saul, siagang nalayanimi Saul ammotere' kamma riolo.

1 SAMUEL 19:7 Referans Kwoze

1 SAMUEL 18:13

Jari nasuromi a'lette' Daud battu lalang ri balla' karaenga, nampa naangka' a'jari komandang ri sisa'bu tantara. Lanri kammana a'jarimi Daud pamimping pasukang lalang sikamma pa'bundukanga.

1 SAMUEL 16:21

Kammaminjo nabattumo Daud mange ri Saul nampa a'jari palayanna Saul. Sanna' nisayanna ri Saul nampa niangka'mo a'jari paerang sanjatana.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

1 PATTOTTORANG 11:2

Riolo iji, ba'lalo ri ri wattu ammarentana ija Saul mae ri kambe, ikattemi tuli ampimpingi tantarana Israel punna maju mange a'bundu'. Nampa pole le'ba'mi a'janji Karaeng Allata'alata, angkanaya ikattemi lampimpingi umma'Na siagang a'jari karaenna ke'nanga.”

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

PA'JARIANG 31:2

Nacini' tommi Yakub angkana tenamo nasangkamma riolo baji'na Laban mae ri kalenna.

1 SAMUEL 19:6

Sadara'mi Saul lanri kana-kananna Yonatan, nampa assumpamo lalang arenNa Batara angkanaya tena nalanabuno Daud.

1 SAMUEL 19:8

Tena nasallo a'jarimi pole pa'bundukanga siagang tu Filistin. Mangemi Daud ambunduki ke'nanga nampa nabeta ngaseng ke'nanga, sa'genna lari ke'nanga.