1 SAMUEL 18:6 - KITTA' MATANGKASA'

⁶ Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.

1 SAMUEL 18:6 Referans Kwoze

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

PAMMUJI 68:25

Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

1 SAMUEL 18:5

Nagaukang baji'mi tugasa'na Daud, ia napassareanga Saul mae ri ia. Lanri kammana niangka'mi ri Saul a'jari perwira lalang ri tantarana. Na ningaimo Daud ri sikontu tantaraya siagang sikamma atanna Saul.

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

PAMMUJI 68:11

Nampa ammantang ummatTa anjoreng; lalang kabajikanTa, o, Allata'ala, Kiparakai tu kasi-asia.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

YESAYA 30:32

Lalang napisa'ringinna sikamma pannunrunNa, umma'Na Batara assannang-sannangi appasa'ra musi' ganrang, siagang kacapi. KalenNa Allata'ala la'bundu' angngewai tu Asyur.