1 SAMUEL 18:20 - KITTA' MATANGKASA'

²⁰ Mikhal, ana' tulolonna Saul maraenganga, eroki ri Daud. Nalangngere'na Saul anjo kammaya, situju tommi.

1 SAMUEL 18:20 Referans Kwoze

1 SAMUEL 18:28

Kammaminjo nanaassemmo Saul angkanaya Daud nila'langi ri Batara, siagang ningai tongi ri Mikhal ana' bainena.

1 SAMUEL 14:49

Ia ana'-ana' bura'nena Saul iamintu: Yonatan, Yiswi, siagang Malkisua. Ana' baine toana niarengi Merab, na makaruaya niarengi Mikhal.

2 SAMUEL 3:13

Appialimi Daud angkana, “Baji'mi. Pabattui anne pasangku mae ri Abner angkanaya: Erokka' appare' parjanjiang siagang ikau, mingka nia' se're sara': Mikhal, ana' bainena Saul, musti nuerangi mae ri nakke punna battuko andallekang mae ri nakke.”

2 SAMUEL 6:16

Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”