1 SAMUEL 17:25 - KITTA' MATANGKASA'

²⁵ Massing para nakanamo ke'nanga, “Pilangngerimi kana-kana pa'ngarana! Le'ba'mi a'janji Saul karaenta angkana, inai-inai akkulle ambunoi Goliat, lanasarei hadia lompo. Lanapa'bunting tongi karaenga siagang ana' tulolonna. Nampa kaluargana manggena anjo taua tena nalanipitabai sima.”

1 SAMUEL 17:25 Referans Kwoze

YOSUA 15:16

Nakana Kaleb, “Inai-nai akkulle angngallei Kiryat-Sefer, lakupassareangi anakku iamintu Akhsa, a'jari bainenna.”

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 3:5

Ia ammetaya lanisarei pakeang kebo'. TalaKupasulukai areng-arenna ke'nanga lalang ri Kitta'na Tau Attallasaka. Na ri dallekanNa ManggeKu siagang malaeka'-malaeka'Na, laKuakui ke'nanga angkanaya anjo ke'nanga ma'nassa taungKu ngaseng.

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”

MATIUS 17:26

Appialimi Petrus nakana, “Tu battu pantarang pa'rasanganga.” Angkanami Isa, “Punna kammanjo, tena naparallu ra'yaka a'bayara'.

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

1 SAMUEL 17:24

Nacini'na tu Israel anjo Goliat, lari memammi silalonna tu Israel napakamma malla'.

1 SAMUEL 17:27

Nipauammi ri ra'yaka apa le'baka napa'janjiang karaenga.