1 SAMUEL 17:11 - KITTA' MATANGKASA'

¹¹ Nalangngere'na Saul siagang sikamma taunna anjo pa'ngaraya, ta'bangkami ke'nanga siagang a'jari malla' sikalimi.

1 SAMUEL 17:11 Referans Kwoze

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

1 SAMUEL 7:7

Nalangngere'na tu Filistin angkanaya a'rappungammi tu Israel ri Mizpa, a'lampami mange anjoreng anjo limaya karaeng ri Filistin siagang tantarana ke'nanga untu' ambunduki tu Israel. Nalangngere'na tu Israel anjo kabaraka, malla'mi ke'nanga.

1 SAMUEL 17:10

Kamma-kamma memang anne, kupa'ngarai tantarana Israel. Pileimi sitau eroka angngewa' attanding!”

1 SAMUEL 17:12

Daud iamintu ana'na Isai tu Efrata, battu ri Betlehem ri Yehuda. Isai nia' sagantuju ana'na bura'ne. Na ri wattu pamarentahanna Saul, toa sikalimi Isai.

1 SAMUEL 13:7

Nia' tommo a'limbang anta'leang ri ba'leanna Binanga Yordan nampa antama' ri daera Gad siagang Gilead. Saul nia' iji ri Gilgal, nannekkere' ngasemmi ra'ya' niaka ampinawangi.

1 SAMUEL 21:13

Lanri kammana anjo, assara-saraimi pongoro' Daud ri dallekanna tau jaia. Ri wattunna ero' ke'nanga antahangi, sangkammami nicini' Daud tau tena nasilolongang pikkiranna. Naallemi nakara'musu' tojeng pakke'bu' kotaya, siagang nalappassammi ta'bene-bene iloro'na naung ri janggo'na.

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.