1 SAMUEL 16:13 - KITTA' MATANGKASA'

¹³ Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 16:13 Referans Kwoze

1 SAMUEL 10:6

Anjo memang wattua lanakoasaiko RohNa Batara siagang lamminawangko a'joge' kammayatompa lakkiok-kio' siagang ke'nanga, nampa laniberui sipa'nu a'jari tau maraeng.

IBRANI 1:9

MangngaiKo ri kaadelanga, birisikKo ri kajekkonganga; iaminjo saba'na, naNapileKo Allata'ala, iamintu Allata'alaNu, na Nasareko kalompoang, langngeranga karannuang, la'bianganga na agang-aganNu.”

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

HAKING-HAKING 11:29

Nipimpimmi Yefta ri RohNa Batara. Jari a'lampami Yefta mange angkunjungi daera Gilead siagang Manasye. Nampa ammotere' mange ri Mizpa ri Gilead. Battu anjorengi napannarrusu' jappana mange ri daera bansa Amon.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

PAMMILANGNGANG 27:18

Nakanamo Batara mae ri Musa, “Kioki Yosua, ana'na Nun. Anjo taua cara'deki. Padongkoki limannu irate ri tompo' ulunna.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

2 KARAENG-KARAENG 9:6

Nampa antama'mo ke'nanga sipa'rua ri ballaka, nampa napatiri'mo na'bi rungkaya anjo minynya' zaitunga nai' ri ulunna Yehu siagang nakana, “Nakana Karaeng Allata'alana Israel, ‘Kulantikko a'jari karaeng mae ri ummakKu Israel.

1 SAMUEL 11:6

Nalangngere'na Saul anjo kabaraka, nikoasaimi ri RohNa Allata'ala.

HAKING-HAKING 14:6

na ti'ring a'jari kassa'mo Simson lanri kakoasanNa Batara. Na nabi'nya'-bi'nyara'mo anjo singaya siagang limanna, sangkamma le'ba' angkana bembeji anjo singaya. Tena nacaritai Simson mae ri tau toana anjo apa kajarianga.

HAKING-HAKING 13:25

Ri wattunna nia' ri tampa' kemana suku Dan, attampaka ri alla'na Zora siagang Esytaol, appakkaramulami nisare kagassingang ri RohNa Batara.

PAMMILANGNGANG 11:17

LanaungA' siagang la'bicara siagang ikau anjoreng ri tampaka, nampa anjo koasa Kupassareanga ri kau, laKupassareangi sipa'gang mae ri ke'nanga. Jari akkullei ke'nanga ambantuko ampisangi tanggong jawaka mae ri anne bansaya, sa'genna tenamo nakale-kalennu ampisangi.

LAMPA-LAMPANA 13:22

Ri wattunna Nalekka' Allata'ala empoanna Saul a'jari karaeng, Naangka'mi pole Allata'ala karaeng maraenga iamintu Daud a'jari karaenna ke'nanga na iaminne kananNa Allata'ala ri passala'na Daud, ‘Kugappami Daud, ana'na Isai, ampakasannangai atingKu. Iami langgaukangi erokKu.’

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 SAMUEL 12:7

Nakanamo Natan ri Daud, “Ikattemi anjo taua karaeng! Siagang iaminne kananNa Batara, iamintu Allata'alaNa Israel, ‘Ikau le'ba' mako Kuangka' a'jari karaeng mae ri Israel siagang Kupasalamakko battu ri Saul.

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 PATTOTTORANG 11:3

Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

PAMMUJI 89:21

Kubuntulu'mi Daud, atangKu, nampa Kulanti' siagang minynya'-minynya' upacara.