1 SAMUEL 15:35 - KITTA' MATANGKASA'

³⁵ Sa'genna kala'busang tallasa'na, tenamo nale'ba' assibuntulu' pole Samuel siagang Saul. Mingka si'nai pa'mai'na Samuel lanri assesse' lalanNa Batara angngangkaki Saul a'jari karaeng mae ri Israel.

1 SAMUEL 15:35 Referans Kwoze

1 SAMUEL 19:24

Battui mange anjoreng, napasulu'mi pakeanna nampa a'joge'-joge' siagang akkiok-kio' ri dallekanna Samuel, nampa anra'ba naung ri buttaya assolara' sila'busu' allo siagang bangngi. (Iaminne assala'na paruntu' kana angkanaya, “Apaka a'jari na'bi tongi Saul?”)

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

FILIPI 3:18

A'mole-molema' ampauangko pole, nakamma-kamma anne kupaui pole nakuangngarru' angkanaya jai tau ambattuang salai matu-matunna anjo kamateanNa Almasi ri kayu sallika.

PA'JARIANG 6:6

Assesse'lalammi lanri Napa'jarina ke'nanga siagang Naboli'na ammantang ri lino. La'ba sikalimi nyawaNa,

PAMMUJI 119:158

Birisika' anciniki anjo sikamma tau ta'gilinga a'jari bali, lanri tena naturuki ajaranTa.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

2 SAMUEL 6:23

Anjo Mikhal, ana' bainena Saul tena ana'na lalang tallasa'na.