1 SAMUEL 15:26 - KITTA' MATANGKASA'

²⁶ Mingka appialimi Samuel angkana, “Tena kuero' ammotere' siagang ikatte. Kiewami parentaNa Batara, na kamma-kamma anne tenamo Naakuiki' salaku karaenna Israel.”

1 SAMUEL 15:26 Referans Kwoze

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 13:14

Mingka kamma-kamma anne tenamo nalattahang pamarentahanta. Nasaba' tena nakituruki parentaNa Batara, laNapilemi Batara se're tumaraeng ia Nakaerokia untu' Naangka' a'jari karaeng mae ri umma'Na.”

2 YOHANES 1:11

Nasaba' inai-nai a'barisallang mae ri anjo tau kammaya, ma'nassa amminawang tommi siagang anjo taua anggaukangi panggaukang ja'dalaka.

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

1 SAMUEL 15:31

Jari ammotere'mi Samuel siagang ia mange ri Gilgal, nampa assambayammo Saul mae ri Batara.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

LAMPA-LAMPANA 13:22

Ri wattunna Nalekka' Allata'ala empoanna Saul a'jari karaeng, Naangka'mi pole Allata'ala karaeng maraenga iamintu Daud a'jari karaenna ke'nanga na iaminne kananNa Allata'ala ri passala'na Daud, ‘Kugappami Daud, ana'na Isai, ampakasannangai atingKu. Iami langgaukangi erokKu.’

1 SAMUEL 28:18

Ikau nubaliammi parentaNa Batara siagang tena nanuero' angngancuruki tu Amalek kammayatompa sikontu barang-baranna ke'nanga. Iaminjo saba'na nanipakammako anne ri Batara ri kamma-kammaya anne.

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

HOSEA 13:11

LarroA' naKusareko karaeng, nampa lanri sanna' nassuKu naKupasinta' ke'nanga ammotere'.”

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.