1 SAMUEL 15:15 - KITTA' MATANGKASA'

¹⁵ Appialimi Saul angkana, “Anjo olo'-oloka apa-apa nirampasa' battu ri tu Amalek. Gimbala' siagang sapi kaminang bajika naallei ra'yaka untu' nipassareang a'jari koro'bang mae ri Karaeng Allata'ala, bapa'. Mingka la'binnaya, le'ba'mi nibuno taba sikali.”

1 SAMUEL 15:15 Referans Kwoze

1 SAMUEL 15:21

Mingka ana' buaku tena nabuno ngasengi olo'-oloka. Napilei gimbala' siagang sapi bajika battu ri anjo nirampasaka, untu' nipassareang a'jari koro'bang mae ri Karaeng Allata'ala ri Gilgal, bapa'.”

LUKAS 10:29

Mingka ero'mi napattojeng kalenna anjo guru agamaya. Jari akkuta'nammi pole nakana, “Inai anjo parangku tau?”

MATIUS 2:8

Le'baki anjo nasuromi ke'nanga a'lampa mange ri Betlehem. Na napasang ke'nanga angkanaya, “A'lampamako mange amboya baji'-bajiki anjo Anaka. Napunna nubuntulu'mo, pauang tonga', sollangku mange todong anynyomba ri ia.”

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.

1 SAMUEL 15:16

Nalangngere'na anjo nakanamo Samuel, “Tayangi sinampe', lakupauangki' apa Napaua Allata'ala mae ri nakke ri bangngia.” Nakanamo Saul, “Kipaumi.”