1 SAMUEL 14:45 - KITTA' MATANGKASA'

⁴⁵ Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

1 SAMUEL 14:45 Referans Kwoze

LAMPA-LAMPANA 27:34

Kupakaingakko sollannu angnganre sike'de'. Anne untu' kabajikannu ngaseng, sollannu anggappa ammotere' kagassingang. Nasaba' lasalama' ngasengko nutangngapa-apa.”

LUKAS 21:18

Mingka manna silawara' uu'nu tena todong nalatappela'.

2 SAMUEL 14:11

Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

1 KARAENG-KARAENG 1:52

Appialimi Salomo angkana, “Punna bajiki panggaukanna, tena nalanihukkung manna sike'de'. Mingka punna appanggaukang ja'dalaki, musti nibunoi.”

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

MATIUS 10:30

Siapa jaina uu'nu irate ri ulunnu, le'ba' bilang ngasemmi.

PAPPICINI' 19:14

Amminawang ngasemmi ri Ia tantara surugaya, a'dongko' jarang kebo' ngaseng, siagang ammakeang kaeng lenang kebo' sannaka ngaseng kebo'na.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

LAMPA-LAMPANA 21:19

Le'bakki' massing sijamakki, nacaritami Paulus mae ri ke'nanga sikontu apa le'baka Nagaukang Allata'ala lalang ri kalenna ri tangnga-tangngana bansa-bansa maraenga.

LAMPA-LAMPANA 15:12

Tenamo nania' akkana sikontu anjo tuniaka assirapakkang. Nampa napilangngerimo ke'nanga Barnabas siagang Paulus ancarita poleangi sikamma anjo gau'-gau' appakalannasa' le'baka Nagaukang Allata'ala lalang ri kalenna ke'nanga ri tangnga-tangngana bansa maraenga.

1 KORINTUS 3:9

Ikambe sangkamma jaki' para tau anjama ri Allata'ala; na ikau sanrapangko kokonNa Allata'ala. Yareka sanrapang tongko balla' bangunanNa Allata'ala.

ROMA 15:18

Iaji nakubarani akkana kamma lanri inakkena Napake Isa Almasi ampappicinikangi apa Nagaukanga Isa, iamintu Napa'jari mannurukimi bansa-bansa maraenga mae ri Allata'ala. Kugaukammi anjo lalang kana-kana siagang panggaukang;

LAMPA-LAMPANA 14:27

Ri wattunna battumo ke'nanga mange ri Antiokhia, napa'rappungammi ke'nanga sikamma anggota jama'aka anjoreng. Nampa nacaritakang ngaseng anjo anggota jama'aka sikamma apa le'baka Nagaukang Allata'ala lalang ri kalenna ke'nanga ilalang ri pa'lampanna ke'nanga. Nacarita tommi ke'nanga antekamma batena Nasungkeang todong Allata'ala bansa-bansa maraenga agang, sa'genna akkulle todong ke'nanga a'jari tappa' mae ri Isa.

YESAYA 13:3

Le'ba'mi Nakio' Batara sikamma pejuang nipileNa. Kassaki ke'nanga, napatappaki kalenna siagang akkullei Nakalompoang pa'mai'. Nasarei tugasa' Batara ke'nanga untu' anghukkungi sikamma tau natabaya pangngalarroinNa.

NEHEMIA 9:27

Jari Kipassareammi ke'nanga mae ri musunna sekkeka angkoasai siagang anjallakkangi ke'nanga. Mingka lalang nijallakkanna lalang kasusaang, akkio'mi ke'nanga appala' bantuang. Mappilangngeri maKi' battu ri suruga; sanna' mangngamaseanTa nakipiali. Kipabattui pamimping siagang pahlawang allappassangai ke'nanga battu ri musu.

2 PATTOTTORANG 19:11

Imang Lompo Amarya kusare kakoasang kaminang tinggi mae ri sikontu kara-kara hukkung agamaya. Zebaja ana'na Ismael iamintu guburnur Yehuda, kusare kakoasang kaminang tinggi mae ri sikontu kara-kara maraengannaya. Tu Lewi kusare tanggong jawa' untu' anjagai sollanna nipajappa anjo le'baka nitappuki ri pangadelanga. Turuki anne sikamma kasingarang kupassareanga siagang teako bata-batai ampajappai tugasa'nu. Dasi-dasi nanirurungang ri Batara tau adeleka lalang panggaukanna!”

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

1 SAMUEL 14:23

A'bundu'mi ke'nanga ri sikamma aganga sa'genna allalo ri Bet-Awen. Nipasalama'mi ri Batara tu Israel anjo alloa.

1 SAMUEL 14:46

Le'baki anjo ammotere'mi tu Filistin mange ri daera kalenna ke'nanga, lanri tenamo naniondangi pole ri Saul.

1 SAMUEL 11:13

Mingka nakanamo Saul, “Tenanniakka tau akkulle nibuno anne alloa, nasaba' anne alloa Napasalama'mi Batara Israel.”