1 SAMUEL 14:40 - KITTA' MATANGKASA'

⁴⁰ Nampa nakanamo Saul mae ri sikontu Israel, “Ammenteng ngasengko ba'leang anrinni.” Appialimi ke'nanga angkana, “Kigaukammi apa kikanaya baji' karaeng.”

1 SAMUEL 14:40 Referans Kwoze

2 SAMUEL 15:15

Appialimi ke'nanga angkana, “Baji'mi karaeng. Sadiami ikambe untu' anggaukangi apa erotta.”

1 SAMUEL 14:36

Nampa nakanamo Saul mae ri ana' buana, “Umba nakimange ambunduki tu Filistin anne bangngia, nampa niella' ke'nanga sa'genna bari'basa' na nibuno ngaseng ke'nanga.” Appialimi ke'nanga angkana, “Baji'mi nakigaukang apa kikanaya baji' karaeng.” Mingka nakana imanga, “Umba nakiappala' rolong pitunju' battu ri Allata'ala.”

1 SAMUEL 14:7

Appialimi anjo turungkaya angkana, “Manna apa ero' kigaukang, amminawang turuki atanta.”

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 14:41

Appala' doammi Saul angkana, “O Batara, Allata'alana Israel, angngapai naKitaeroka ampialia' anne alloa? Appiali maKi' Batara, battu lalang ri anne batu-batu matangkasaka. Punna anjo kasalanga niaki ri nakke yareka ri Yonatan, appiali maki' siagang batu Urim, mingka punna anjo kasalanga niaki ri ummatTa Israel, appiali maki' siagang batu Tumim.” Appialimi Karaeng Allata'ala, na Yonatan siagang Saul najo'jo'. Lalang kammana anjo ma'nassami angkanaya tena nara'yaka sala.

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.