1 SAMUEL 14:39 - KITTA' MATANGKASA'

³⁹ A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 14:39 Referans Kwoze

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

KATO'BA 9:2

Memang, nia' sare sangkamma lantuju ngasengi taua: Tau lambusuka yareka tau ja'dalaka, baji' natau bajika kammayatompa tau kodia, tau tangkasaka yareka tau rantasaka, tau assarea koro'bang yareka tenaya. Tau bajika tena naupakkangngang na tau dorakaya, tau assumpaya siagang tau tenaya naero' assumpa sangkammaji.

1 SAMUEL 28:10

Nampa assumpamo Saul angkana, “Lanri arenNa Batara mattallasaka, a'janjia' angkanaya tena nalanihukkungko lanri nugaukanna anne.”

1 SAMUEL 22:16

Mingka nakanamo karaenga, “Ahimelekh! Ikau siagang sikontu sari'battannu yareka bijannu musti mateko.”

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 19:6

Sadara'mi Saul lanri kana-kananna Yonatan, nampa assumpamo lalang arenNa Batara angkanaya tena nalanabuno Daud.

1 SAMUEL 14:40

Nampa nakanamo Saul mae ri sikontu Israel, “Ammenteng ngasengko ba'leang anrinni.” Appialimi ke'nanga angkana, “Kigaukammi apa kikanaya baji' karaeng.”

2 SAMUEL 14:21

Le'baki anjo nakio'mi karaenga anjo Yoab nampa nakana ri ia, “Anjo apa nukaerokia lakugaukangi. A'lampamako mange ambuntuli Absalom siagang erammi ammotere' mae anrinni.”