1 SAMUEL 14:24 - KITTA' MATANGKASA'

²⁴ Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 14:24 Referans Kwoze

YOSUA 6:26

Anjo wattua napasuluki Yosua pappisangka kammaya anne, “Inai-nai ero' angngusahakangi untu' ambangungi ammotere' anne kota Yerikho, lanitabai ri pattunraNa Batara. Inai-nai lantannangngi batu pondasi, latappelaki ana' toana; na inai-nai ampatabai sikamma pakke'bu' lompona, latappelaki ana' bungkona.”

ROMA 10:2

Barania' ampaui angkana sanna' lompona sumanga'na ke'nanga anynyomba mae ri Allata'ala. Mingka anjo sumanga'na ke'nanga tena nasituru' pangngassengang battua ri Allata'ala.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

PANGNGEBARANG 11:9

Pa'bicaranna tau ja'dalaka ammanraki; kacara'dekanna tau bajika lappasalamaki.

PAMMUJI 18:47

Batara mattallasaki! Nipujimi mappatojengku! Mala'biriki kalompoanNa Allata'ala mappasalamakku!

HAKING-HAKING 5:2

Pujimi Batara pahlawang-pahlawanna tu Israel, nasaba' assumanga'mi untu' barjuang, na rellamo ra'yaka mange a'bundu'.

HAKING-HAKING 1:28

Memang ri pila' katambannamo kassa'na tu Israelka napassami tu Kanaan ampanjama-jamangi ke'nanga. Mingka tena nanabongkai tabasikali ke'nanga anjo tu Kanaan battu anjoreng.

PAMMILANGNGANG 21:2

Jari attinja'mi tu Israel mae ri Batara angkana, “Punna Kisare mamo pammetang ikambe mae ri anjo bansaya, anjo ke'nanga siagang sikamma kota-kotana lanitumpasaki ri kambe sa'genna cappu'.”

KAIMANGNGANG 27:29

Ba'lalo tau le'bakamo nisa'la' mae ri Batara sollanna nipanraki takkulleai nipasulu'; musti nibunoi anjo taua.

PAMMILANGNGANG 5:21

poro Batara ampa'jari arennu passumpa pattunra ri alla'na bansanu. Poro Napa'jari poko' bonggannu akkapurru' siagang akkambang battannu.

1 SAMUEL 14:25

Nampa battumo ke'nanga ri se'reang romang nanggappamo ke'nanga jai sikali bani.

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 18:25

Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)

KAIMANGNGANG 5:4

Punna nia' tau anggaukangi kasalanga lanri assumpa sambarangangi untu' anggaukangi apa-apaya, nampa ri boko nasadari anjo kasalanna.