1 SAMUEL 14:15 - KITTA' MATANGKASA'

¹⁵ Passabakkang ia anjo kajarianga, gegere'mi tu Filistin ri kemana siagang ri sikamma paranga. Sikontu ra'ya' Filistin kammaya niaka ri balla'-balla' jagaya, siagang pa'rappungang paellaka a'jari malla' ngasemmi; ba'lalo kamma ta'ge'goso'mi buttaya, siagang sanna'mi siricu-ricuinna ke'nanga.

1 SAMUEL 14:15 Referans Kwoze

1 SAMUEL 13:17

Ri ia todong anjo wattua, nia' tallu pa'rappungang paella' tu Filistin a'lampa battu ri kemana ke'nanga untu' a'lampa angngella'. Sipa'rappungang makase'rea a'lampa mangei ri Ofra ri daera Syual.

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

2 SAMUEL 5:24

Punna nulangngere' sa'ra tau a'barrisika irate ri coppo'na anjo poko'-pokoka, maju mako, nasaba' iNakke la'jappa ri dallekannu untu' ambetai tantara Filistin.”

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

PAMMUJI 14:5

Tau ja'dalaka lasanna' malla'na, saba' Nala'langi Allata'ala tu mannurukia ri Ia.

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

1 SAMUEL 13:23

Appare'mi balla' jaga tu Filistin untu' ampartahangkangi se'rea alla' moncong ri Mikhmas.

HAKING-HAKING 7:21

Massing ammantangi ke'nanga ri tampa'na ri tammulilina anjo tampa' kemaya. Na piti lari-lari ngasemmo anjo tantara nasuroa, ammarrang-marrang.

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

1 SAMUEL 7:10

Ri wattunna sitabang napassareang anjo koro'bang nitunua, appakkaramulami tu Filistin battu ambunduki tu Israel. Mingka sitabang le'baki anjo wattua a'gunturu'mi Batara battu ri langika mae ri ke'nanga. A'jari siricuimi ke'nanga nampa piti lari-lari napakamma lingu.

1 SAMUEL 13:18

Sipa'rappungang makaruaya a'lampa mangei ri Bet-Horon, siagang sipa'rappungang maraengannaya pole a'lampa mangei ri pa'baeng-baeng a'dalle' mangea ri Lappara' Zeboim siagang ri parang lompoa.

1 SAMUEL 14:14

Lalang anjo a'bakka uru-uruna, kira-kira nia' ruampulo tau nabuno Yonatan siagang anjo turungkaya, ri se'reang tampa' kira-kira 2.500 metere' pasagi luara'na.

1 SAMUEL 14:16

Lalanna anjo wattua, tantarana Saul niaka a'jaga ri Gibea ri daera Benyamin, nacini'mi tu Filistin piti lari-lari nipakamma ri kalinguang sanna'.