1 SAMUEL 12:9 - KITTA' MATANGKASA'

⁹ Mingka ri bokoang allo nakaluppaimi Batara Allata'alana ke'nanga. Lanri kammana, nibalang parekammi ke'nanga na nibunduki siagang nibeta ri Sisera, anjo panglimana tantara Hazor, siagang nibeta ri tu Filistin siagang ri karaeng Moab.

1 SAMUEL 12:9 Referans Kwoze

HAKING-HAKING 13:1

Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 10:7

Jari larromi Batara mae ri umma' Israel. Sa'genna nibalang parekang ke'nanga nikoasai ri bansa Filistin siagang bansa Amon.

HAKING-HAKING 4:2

Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.

HAKING-HAKING 3:12

Dorakami pole umma' Israel mae ri Batara. Sa'genna Napa'jari la'bi kassakangammo Batara karaeng battu ri Moab niarenga Eglon. La'bi kassakangammi na umma' Israel.

PAOLE 32:18

Nabokoi ke'nanga Allata'ala Mappasalama'na ke'nanga; nakaluppai Allata'ala assarea katallassang.

YEREMIA 2:32

Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

PAMMUJI 106:21

Nakaluppai ke'nanga Allata'ala Mappasalama'na ke'nanga le'baka anggaukangi gau'-gau' malompoa ri Mesir.

HAKING-HAKING 3:31

Pamimping ri bokoangannaya iamintu niarenga Samgar, ana'na Anat. Barjuang tommi na nalappassang tu Israel. Nia' 600 tu Filistin nabuno. Natakkang pakkalawaki sapi bawang napake ambunoi anjo ke'nanga.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

1 SAMUEL 12:15

Mingka, punna tena numappilangngeri ri Batara, ba'lalo nubaliangi parentaNa, ma'nassa ikau ngaseng siagang karaennu laNabaliangko Batara.