1 SAMUEL 12:23 - KITTA' MATANGKASA'

²³ Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 12:23 Referans Kwoze

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

2 TIMOTIUS 1:3

Appala' sukkurukka' mae ri Allata'ala Ia kulayania situlusu'na ati mailalangku, sangkammaya nagaukanga boeku riolo. Punna kuu'rangiko lalang ri pappala' doangangku allo bangngi tuli appala' sukkurukka' mae ri Allata'ala.

1 TESALONIKA 3:10

Allo bangngi maki' appala' doang tojeng-tojeng, sollanna nakiakkulle assicini' siagang ikau ngaseng, nakkulle ikambe ampa'gannaki apa-apa kakuranganga ri katappakkannu.

1 KARAENG-KARAENG 8:36

poro Kipilangngeri ke'nanga battu ri suruga. Siagang pammopporangi dosana ummatTa Israel kammayatompa karaenna ke'nanga. Ajaraki ke'nanga anggaukangi apa tojenga. Le'baki anjo, o Batara, paturummi bosia ri anne pa'rasanganTa, pa'rasangang Kipassareanga mae ri ummatTa untu' nakammai sa'genna satunggu-tungguna.

LAMPA-LAMPANA 12:5

Jari nitahammi rolong Petrus lalang ri tarungkua; mingka tuli appala' doang dudumi sikontu jama'aka mae ri Batara sollanna Narurungangi Petrus.

PAMMUJI 34:11

Cipuru' tommi singa-singaya lanri kakurangang ri kanre; mingka tau anynyombaya ri Batara tena nakakurangang.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

2 PATTOTTORANG 6:27

o Batara niaka ri suruga, poro Kipilangngeri laloi ke'nanga. Siagang Kipammopporangi dosana ata-atanTa umma' Israel. Kiajaraki ke'nanga anggaukangi apa tojenga. Le'baki anjo, o Batara, Kipaturummi bosia naung ri anne pa'rasanganTa, iamintu pa'rasangang le'baka Kipassareang mae ri ummatTa untu' a'jari pa'rasanganna sa'genna satunggu-tungguna.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

KATO'BA 12:10

Nausahaimi a'boya kana-kana panynyaleori, na anjo kana-kana natulisika ma'nassa lambusuki.

PANGNGEBARANG 4:11

Le'ba'mi kupangngajarrang kacara'dekanga mae ri kau siagang kupicinikiangko antekamma batena nikanaya tallasa' annabaya.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 27:18

Punna memang na'bi ke'nanga, siagang le'baki annarima pasang battu ri Nakke, tantu kamma-kamma anne napalaki ri Nakke, Batara Kaminang Koasaya, sollanna barang-barang niaka ija ri BallakKu siagang ri balla' karaeng ri Yerusalem tena naniengkaki mange ri Babel.

YEREMIA 42:4

Appialima' angkana, “Baji'mi punna kamma antu. Kutarimai pappala'nu ngaseng. Lappala' doanga' mae ri Karaeng Allata'alata, siagang manna pole apa pappialinNa, lakupauang ngasengko; manna se're tania' lakucokkoangko.”

1 SAMUEL 8:6

Mingka tena nasannang pa'mai'na Samuel ri anjo pappala'na ke'nanga. Jari appala' doammi mae ri Batara.

PAMMUJI 34:12

Pilangngerimi, he ikau ana'-anaka ngaseng, kuajarakko mappakala'biri' mae ri Batara.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”