1 SAMUEL 11:14 - KITTA' MATANGKASA'

¹⁴ Nampa nakana Samuel ri ke'nanga, “Umba ki'lampa ngaseng mange ri Gilgal na niresmikang Saul a'jari karaenta.”

1 SAMUEL 11:14 Referans Kwoze

1 SAMUEL 10:8

Le'baki anjo musti a'lampako mange ri Gilgal nuttayang anjoreng tuju allo. Sallang labattua' untu' assare koro'bang nitunu siagang koro'bang pappasiama', nampa kupauangko apa musti lanugaukang.”

1 SAMUEL 7:16

Taung-taungi a'jappa akkuliling mae ri Betel, Gilgal, siagang Mizpa. Siagang sikamma parkara-parkara passisalang niaka ri sikamma anjo tampaka, napa'le'ba' ngasemmi napakabaji'.

1 SAMUEL 5:3

Ri wattunna pandudu'na Asdod battu ammukona bari'basa' ri anjo balla' rewataya, naciniki ke'nanga angkanaya tu'guru'mi tappatinompang naung ri buttaya anjo patung Dagon, ri dallekanna Patti ParjanjianNa Batara! Naangka'mi ke'nanga anjo patunga nampa napoterang ri pammantanganna.

1 SAMUEL 12:1

Nampa nakanamo Samuel mae ri sikontu anjo bansa Israel, “Le'ba'mi kuturuki sikontu pappala'nu, na nia'mo kuangka' se're karaeng mae ri kau ngaseng.

2 SAMUEL 19:15

Nampa a'lampamo karaenga siagang battumi mange ri Binanga Yordan; na lalanna anjo wattua battumi tu Yehuda ri Gilgal untu' ambuntuli karaenga siagang narurungammi a'limbang ri anjo binangaya.

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”