1 SAMUEL 10:23 - KITTA' MATANGKASA'

²³ Jari akkaro-karomi ke'nanga mange ambuntuli Saul battu anjoreng, nampa naerang antama' ri tangnga-tangngana ra'yaka. Ammentemmi Saul ri tangnga-tangngana ke'nanga, na iami kaminang tinggi; tu maraenga sa'ge salanggannaji.

1 SAMUEL 10:23 Referans Kwoze

1 SAMUEL 9:2

Kish nia' ana'na bura'ne niarenga Saul, iamintu se're tau rungka gammara' na kassa' kalenna. Tena manna sitau battu ri sikontu Israel la'bi gammarangngang naia. Pakkaleanna la'bi tinggi tongi. Ia taua ri Israel samara' sa'ge salanggannaji tinggina.

1 SAMUEL 17:4

Na nia'mo se're tau pore assiba'ji iamintu niarenga Goliat, tu battu ri kota Gat, assuluki battu ri kemana tu Filistin untu' ampa'ngarai tu Israel. Tinggina nia' kira-kira tallu metere',

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

1 SAMUEL 9:1

Nia' se're tau sanna' kalumanynyanna siagang sanna' nikangngalikanna battu ri suku Benyamin, iamintu niarenga Kish. Ia anggota kaluarga battui ri Bekhorat, tangke bijanna Afiah. Manggena niarengi Abiel na toana Zeror.