1 SAMUEL 10:21 - KITTA' MATANGKASA'

²¹ Ri wattunna maju mae ri dallekang sikamma kaluargaya lalang ri suku Benyamin, kaluarga Matri nataba pile. Kale'bakkanna majumi sikamma tu bura'nea lalang ri kaluarga Matri, nampa Saul ana'na Kish nataba pile. Jari niboyami Saul, mingka tenai.

1 SAMUEL 10:21 Referans Kwoze

LAMPA-LAMPANA 13:21

Nampa appala' ke'nanga sitau karaeng. Nisaremi Allata'ala ke'nanga se're karaeng, iamintu Saul, ana'na Kis, battua ri suku Benyamin. Iaminjo Saul a'jari karaeng ri ke'nanga patampulo taung sallona.

1 SAMUEL 10:20

Nampa nasuro Samuel sikontu sukua maju mae ri dallekang, na suku Benyamin nipile.

1 SAMUEL 10:22

Lanri kammana akkuta'nammi taua ri Batara angkana, “O Batara, apaka anjo taua nia'mi anrinni?” Appialimi Batara angkana, “Accokkoi Saul ri bokona barang-barang pakkakasaka.”

2 SAMUEL 3:19

Assipa'bicara tommi Abner siagang tu Benyamin, siagang a'lampa tommi mange ri Hebron untu' ampauangi Daud anjo apa le'baka nasitujui tu Benyamin siagang tu Israel.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

1 SAMUEL 9:2

Kish nia' ana'na bura'ne niarenga Saul, iamintu se're tau rungka gammara' na kassa' kalenna. Tena manna sitau battu ri sikontu Israel la'bi gammarangngang naia. Pakkaleanna la'bi tinggi tongi. Ia taua ri Israel samara' sa'ge salanggannaji tinggina.

PANGNGEBARANG 18:18

Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.