1 SAMUEL 10:18 - KITTA' MATANGKASA'

¹⁸ Nampa nakana ri ke'nanga, “Iaminne kananNa Batara, Allata'alana Israel, Nakana, ‘Le'ba' mako Kuerang assulu' battu ri butta Mesir siagang Kulappassang ngasengko battu ri kakoasanna tu Mesir kammayatompa kakoasanna sikamma bansa maraenga, anjallakkangako.

1 SAMUEL 10:18 Referans Kwoze

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.

PAMMILANGNGANG 10:9

Na punna a'bundukko ri pa'rasangannu untu' ampartahangkangi kalennu mae ri musu battua ambundukiko, tuiki anjo tarompe'-tarompeka. Na iNakke, Karaeng Allata'alanu, labattu antulungko siagang ampasalamakko battu ri musu-musunnu.

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.

KALAPPASSANG 29:46

Lanaassengi ke'nanga angkana iNakkemi Karaeng Allata'alana ke'nanga, ia angngerangai ke'nanga assulu' battu ri Mesir, sollangKu akkulle ammantang ri tangnga-tangngana ke'nanga. INakke Karaeng Allata'alana ke'nanga.”