1 SAMUEL 10:12 - KITTA' MATANGKASA'

¹² Jari nia'mo tau anjorenga ammantang akkuta'nang angkana, “Turu' panggappanu, antekamma anjo na'bi-na'bi maraenga, inai manggena ke'nanga?” Iaminjo assala'na paruntu' kana angkanaya, “Apa a'jari na'bi tommi anjo Saul?”

1 SAMUEL 10:12 Referans Kwoze

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YOHANES 7:16

Appialimi Isa Nakana, “Apa Kupangngajaranga teai pangngajarangKu, mingka pangngajaranNa ia anjo assuroA ri Nakke.

1 SAMUEL 10:13

Le'baki Saul a'joge'-joge' siagang akkiok-kio', a'lampami mange ri tampa' pakkorobangnganga irate ri bontoa.

1 SAMUEL 19:23

Jari tulusu'mi mange anjoreng, mingka nikoasai tommi ri RohNa Allata'ala, sa'genna a'joge'-joge' siagang akkiok-kio'mi ri aganga sa'genna mange ri Nayot.

1 SAMUEL 19:24

Battui mange anjoreng, napasulu'mi pakeanna nampa a'joge'-joge' siagang akkiok-kio' ri dallekanna Samuel, nampa anra'ba naung ri buttaya assolara' sila'busu' allo siagang bangngi. (Iaminne assala'na paruntu' kana angkanaya, “Apaka a'jari na'bi tongi Saul?”)