1 SAMUEL 1:13 - KITTA' MATANGKASA'

¹³ Appala' doangi Hana lalang atinna, jari muncennaji bawang a'gio'-gio', natena kalangngerang sa'ranna. Jari nikanami tunasa'ring ri Eli.

1 SAMUEL 1:13 Referans Kwoze

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

LAMPA-LAMPANA 2:13

Mingka nia' tommo ri ke'nanga pacau-cau, angkana, “Hah, poro nasa'ring ngasennaja anjo ke'nanga!”

ZAKHARIA 9:15

Umma'Na mattantu laNasarei pa'la'langngang, sa'genna akkulle nabeta ke'nanga sikontu musua. Sanrapang pakkio'na tau nasa'ringa lanri angnginung, kammaminjo pakkio'na ke'nanga lalang pa'bundukang. Sanrapang cera' nitumpaya irate ri tampa' pakkoro'bangnganga, kammaminjo tattumpana cera'na musunna ke'nanga.

PAMMUJI 25:1

Pammujina Daud. Ri Katte, o, Batara, kupanai' pappala' doangku,

1 KORINTUS 13:7

Attahangi andallekangi sikontu apa-apaya, siagang tappaki mae ri apa-apa kaminang bajika lalang ri kalenna tasse're-se'rea tau; manna pole antekamma takkulleai tappu' panrannuang siagang sa'baraki antayangi sikontu apa-apa nitayanga.

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

1 SAMUEL 1:12

Sanna' sallona Hana appala' doang, naniparhatikang bawana ri Eli anjo bainea.