1 PETRUS 4:8 - KITTA' MATANGKASA'

⁸ La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

1 PETRUS 4:8 Referans Kwoze

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

KOLOSE 3:14

Siagang kaminang parallua iamintu: musti sikamaseangko nasaba' iaminjo pangngamaseanga ampa'jari se're ngasengko, sa'gennu a'jari sukku'.

PANGNGEBARANG 17:9

Punna erokko ningai ri taua, pammopporangi kasalang nagaukanga ke'nanga. Punna manynyero kana ri kasalang poro mannappu'ji bawang passari'battangang.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus

1 KORINTUS 13:1

Manna pole a'rupa-rupai bicara tu lino kuasseng, ba'lalo manna pole akkullea' a'bicara malaeka', mingka tena kumangngamaseang mae ri parangku tau, anjo bicarangku a'jari bicara lompoji bawang, tenaya matu-matunna.

1 TESALONIKA 3:12

Poro pila' Napasikama'-kamaseang ngasengko Batara, kammayatompa napila' nukamaseang todong sikontu rupataua, sa'genna pila' katambang pangngamaseannu, sangkamma pangngamaseanna ikambe mae ri kau.

IBRANI 13:1

Paralluki' tuli sikamaseang salaku tu Karisteng assari'battanga.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

PANGNGEBARANG 18:13

Appiali ri tenanapa nimallangngere' Iami panggaukang tolo siagang nicalla.

PANGNGEBARANG 12:16

Punna kasi'rikang tau toloa, anjo wattua napau memammi pa'risi' pa'mai'na; mingka tau cara'deka tanapaduliai punna nicallai.

3 YOHANES 1:2

appala' doanga' sollannu gassing tamangngapa-apa, siagang baji'-baji' ngaseng ri kalennu, sangkamma baji'na pa'mai'nu.

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

1 KORINTUS 13:4

Tau mangngamaseanga ri paranna tau, iamintu tau sa'baraka siagang baji' ati. Tena nasanna' pasereatina, tena natinggi langga siagang tena natampo.