1 PETRUS 4:7 - KITTA' MATANGKASA'

⁷ Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

1 PETRUS 4:7 Referans Kwoze

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

IBRANI 10:25

Teako takkaluppai tuli a'rappungang, sangkamma tau maraenga. Ikatte paralluki' la'bi tamalanre massing sipakajarre'; nasaba' niassengi angkanaya tasalloami Nabattu poleang Batara.

KOLOSE 4:2

Paralluko tamalanrea appala' doang siagang a'jaga-jaga, kammayatompa appala' sukkuru' mae ri Allata'ala.

TITUS 2:12

Anjo lammoro' pangngamaseanNa Allata'ala eroki angngajarakki' sollanna tenamo nasisala katallassanta siagang ero'Na Allata'ala, siagang tenamo naniturukiang kaerokanna pakkalinoanga. Niajarakki' sollanta niasseng ampakalewai kalenta, lambusu' siagang anynyomba mae ri Allata'ala lalang ri katallassanta.

YEHEZKIEL 7:6

Kamma-kamma anne sikontu-kontuna narapi'mi kala'busanna. Iaminne kale'bakkannu. Tenamo panrannuang mae ri kau.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

FILIPI 4:5

Parallui nacini' ngaseng taua sipa'-sipa' baji'nu ri katallassannu. Nasaba' tasalloami Nalabattu Batara.

LUKAS 22:46

Nakanamo ri ke'nanga, “Angngapa nuttinro ngaseng? Ambangung ngaseng mako nai' appala' doang, sollanna tena natabako paccoba.”

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

1 KORINTUS 15:24

Le'baki anjo battumi kiamaka. Anjo wattua Napasomba ngasemmi Almasi sikontu pamarentahanga, sikontu kakoasanga, kammayatompa sikontu apa-apa magassinga; nampa Napassareang kakoasanNa salaku Karaeng, mae ri Allata'ala, Manggeta.

1 KORINTUS 7:29

Pattujungku kammai anne sari'battang: Tenamo najai wattu ri katte. Appakkaramula ri kamma-kammaya anne, sikontu tau a'baineamo parallui attallasa' sanrapang tau tenayapa na'baine;

MATIUS 24:42

Jari a'jaga-jagako, nasaba' tena nuassengi ringngapanna nalabattu Bataranu.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

KATO'BA 7:2

Bajikangngangi a'lampaya mange ri balla' kasusaanga naia mangea ri balla' passua'-suarranga. Saba' musti tuli niu'rangi angkanaya attayangi kamateanga mae ri tunggala' taua.

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

PA'JARIANG 19:35

Kammaminjo na ri wattunna anjo bangngia nausahakammi ke'nanga nanasa'ring Lot, nampa mange anjo ana' tulolonna makaruaya angngagangi assikatinroang. Na teaimi sipato' nasa'rinna pole Lot, sa'genna tanaassengamo apa kajarianga.