1 PETRUS 3:9 - KITTA' MATANGKASA'

⁹ Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 PETRUS 3:9 Referans Kwoze

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

ROMA 12:14

Pappalakkangi barakka' mae ri Allata'ala tau pallaka panggaukanna mae ri kau. Pappalakkangi barakka', tea' laloko sarei kana-kana pattunra.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

MATIUS 5:39

Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

IBRANI 6:14

Nakana Allata'ala, “A'janjiA' angkana laKubarakkakiko siagang laKupa'jari sannaki jaina sossorannu.”

LUKAS 18:18

Nia' sitau pamimping tu Yahudi akkuta'nang ri Isa nakana, “O, Pa' Guru, baji' pa'maika, apa musti kugaukang sollanna kugappa katallassang sitojennaya siagang mannannunganga?”

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

MATIUS 19:29

Na inai-nai ambokoi balla'na, yareka sari'battanna bura'nea, yareka sari'battanna bainea, yareka anrong-manggena, yareka ana'na ngaseng, yareka kokonna, passabakkang iNakke, iami sallang langgappai ammotere' sikamma apa nabokoia a'lappi sibilangngang jaina. Siagang iami langgappai katallassang sitojennaya siagang mannannunganga.

ROMA 8:30

Kammaminjo bateNa Allata'ala angkioki sikamma tau le'baka Napattantu memang la'bi riolo; na sikamma anjo tau Nakioka nisare oloang assibajiki ammotere' siagang Allata'ala. Na sikamma anjo tau le'baka nisare oloang assibajiki ammotere' siagang Allata'ala, nisare tommi pammantangang lalang katallassang KalenNa Allata'ala.

MARKUS 10:17

Wattunna Napatulusu' pole lampaNa Isa, nia'mo sitau lari-lari battu mae ri Ia. Su'ju'mi anjo taua ri dallekanNa Isa nampa akkuta'nang nakana, “O Guru baji', apa musti kugaukang sollanna akkulle kugappa katallassang sitojennaya siagang satunggu-tungguna?”

PA'JARIANG 42:25

Naparentakammi Yusuf sollanna nibonei gandung sikamma anjo karung naeranga daenna, nampa anjo doe'na ke'nanga massing nipantamaki ri anjo karunga. Kammayatompa sollanna nisare ke'nanga kanre untu' nabokong ke'nanga ri aganga. Nigaukammi anjo parentana.

1 SAMUEL 26:11

Tapporo Napisangkaia' Batara ambunoi karaeng Napilea! Alle bawammi pokena siagang pammoneang je'ne'na, nampa ki'lampa!”

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.