1 PETRUS 3:4 - KITTA' MATANGKASA'

⁴ Mingka, anjo kaga'gannu parallui battu lalang ri ati mailalannu, battu ri panggaukang baji'nu, siagang tunanu ri pa'mai'; yangasemmi anjo kaga'gang satunggu-tunggua, sannaka lompona anggaranna ri paccini'Na Allata'ala.

1 PETRUS 3:4 Referans Kwoze

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

ROMA 2:29

Mingka ia nikanaya tu Yahudi tojeng-tojeng iamintu tu Yahudia memang todong lalang ri atinna siagang nyawana; naia nikanaya sunna' tojeng-tojeng iamintu sunna' lalanga ri atia, ia Nagaukanga RohNa Allata'ala; jari tena nalalang ri kittaka nitulisi'. Tau kammaya minjo lannarima pammuji battu ri Allata'ala; jari teai battu ri rupataua.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

TITUS 3:2

Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.

MATIUS 23:26

E, tu Farisi butaya! Bissaimi sa'genna tangkasa' ilalanganna anjo mangko'-mangko'nu siagang piring-pirinnu, sollanna tangkasa' ngaseng todong pantaranganna!

ROMA 7:22

Atingku lalang nangai apa-apa Napassuroanga Allata'ala,

2 KORINTUS 4:16

Lanri kammanami anjo natena natappu' panrannuang ikambe. Manna pole pila' panra' katallassang lahere'na ikambe, mingka tuli beruna allo-allo katallassang lalanga ri atinna ikambe.

1 TESALONIKA 4:11

Usahako sollanna nupakasannang tallasa'nu, siagang teako pantama'-tamakki kalennu ri urusanna tau maraenga. Paralluko anjama, nanuboya lanukatallassanga, sangkamma le'baka naparentakang ikambe mae ri kau ngaseng ri pirangalloang.

EFESUS 4:2

Paralluko tuna pa'mai', lamma bicarannu, siagang sa'bara'. Pappicinikangi pangngamaseannu lalang ri passitulung-tulunganga.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

1 TIMOTIUS 2:2

untu' sikamma karaenga siagang untu' sikamma tau anna'galaka kakoasang. Pappalakangki' sollanta akkulle sannang siagang taricua kammayatompa a'gau' siratannaya lalang tallasatta ri dallekanNa Allata'ala.

LUKAS 11:40

Ikau tolo ngasengko! Sai anjo Napa'niaka Allata'ala iamintu bageang pantaraka siagang bageang lalanga?

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAMMUJI 25:9

Narenrengi Batara tu tuna pa'maika, na Naajara' ke'nanga apa Nakaerokia.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

2 TESALONIKA 3:12

Lanri koasaNa Batara Isa Almasi naparentakangi siagang napappakaingakkangi ikambe mae ri ke'nanga, sollanna anjama baji'-baji' ke'nanga, siagang namassing naboya katallassanna.

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

PAMMUJI 149:4

Mangngellai Batara mae ri umma'Na; Ia assarei pammetang tau tuna pa'maika.

PAMMUJI 147:6

Napabangungi tau nijallakkanga, mingka tau ja'dalaka Napatappasaki naung ri buttaya.

ROMA 6:6

Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

PAMMUJI 45:13

Pandudu'na Tirus angngerangi passare mae ri kau; tu kalumanynyanga ero'mi naboya pa'mai'nu.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

KOLOSE 3:3

Nasaba' le'ba' mako mate, nataccokko tallasa'nu siagang Almasi lalang ri Allata'ala.

GALATIA 5:23

tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.

PAMMUJI 131:2

Sitojenna, sannangi pa'maikku na tena nalussa'; sanrapang ana' lolo le'baka anynyusu, sannang tinrona niriwa ri amma'na, kammaminjo sannanna pa'maikku.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

MATIUS 21:5

“Pabattumi ri Sion, angkanaya nia'mi battu Karaennu mae ri kau. Tunai ri pa'mai', ma'dongko' ri keledai sikayu ana' keledai rungkaya.”

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YEREMIA 51:59

Pa'lapa' barambanna Karaeng Zedekia iamintu Seraya ana'na Neria cucunna Mahseya. Ri taung makaappa' pamarentahanna Zedekia karaeng Yehuda, Seraya amminawangi ri Zedekia mange ri Babel. Jari kusaremi se're tugasa'.

ROMA 1:23

Teai Allata'ala tamamminraya nasomba ke'nanga, passangalinna patung-patung sangkammaya apa lakkullea mate; iamintu rupataua, jangang-janganga, olo'-olo' appaka bangkenna, siagang olo'-olo' a'loloka rawa ri buttaya.