1 PETRUS 3:22 - KITTA' MATANGKASA'

²² siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

1 PETRUS 3:22 Referans Kwoze

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 10:12

Na Almasi, poro se'reji bawang koro'bang Napassareang untu' ampammopporangi dosa-dosata; anjo koro'banga a'matu-matumi sa'genna satunggu-tungguna. Le'baki Napassareang Almasi anjo koro'banga ammempomi ri sa'ri kananNa Allata'ala, ammarenta siagang Allata'ala.

MARKUS 16:19

Le'baki a'bicara Isa siagang ke'nanga, ta'angka'mi Isa nai' ri suruga. Anjorengi ammarenta siagang Allata'ala.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

KOLOSE 3:1

Nipabangung poleang mako ammotere' battu ri kamateanga siagang Almasi. Lanri kammana, musti usaha mako untu' anggappai apa-apa niaka ri suruga; iamintu ri tampa'Na Almasi, ammarenta siagang Allata'ala.

ROMA 8:38

Nasaba' tappa' sikalia' angkanaya ri sikontu linoa, baji' nakamateang yareka katallassang, baji' namalaeka' yareka tu makoasaya, baji' tuntutang ri kamma-kammaya anne yareka tuntutang labattua sallang, yareka kakoasang maraengannaya;

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

MATIUS 22:44

‘Nakana Batara ri Bataraku: Ammempoko ri sa'ri kanangKu, Sa'genna Kusuro ngaseng akkulantu' musu-musunNu ri dallekanNu.’

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

1 KORINTUS 15:24

Le'baki anjo battumi kiamaka. Anjo wattua Napasomba ngasemmi Almasi sikontu pamarentahanga, sikontu kakoasanga, kammayatompa sikontu apa-apa magassinga; nampa Napassareang kakoasanNa salaku Karaeng, mae ri Allata'ala, Manggeta.

LAMPA-LAMPANA 3:21

Musti ammantangi ri suruga sa'genna le'ba' ngaseng Napa'jari beru linoa Allata'ala, situru' apa le'baka Napattantu Allata'ala lalang ri na'bi-na'biNa ri jammang riolo.

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

MARKUS 12:36

Na kalenna Daud, lanri pangngajara'Na RohNa Allata'ala, le'baki angkana, ‘Nakana Batara ri Bataraku: Ammempoko ri sa'ri kanangKu Sa'genna Kusuro ngaseng balinNu akkulantu' ri dallekanNu.’

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

IBRANI 1:13

Tena le'bakai Allata'ala akkana kamma anne mae ri se'reang malaeka', “Maeko ammempo ri sa'ri kanangKu, sa'genna Kusuro ngaseng akkulantu' sikontu musunnu ri dallekannu.”

LUKAS 20:42

Na kalenna Daud angkana lalang ri Kitta' Pammuji angkanaya, ‘Nakana Batara ri Bataraku: AmmempoKo ri sa'ri kanangKu,

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

IBRANI 1:6

Mingka ri wattunna Nasuro Ana' bungasa'Na antama' ri anne linoa, akkana kammai anne Allata'ala, “Sikontu malaeka'Na Allata'ala musti anynyombai mae ri anjo Anaka.”

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

YOHANES 13:32

Punna nipakala'biri'mo Allata'ala lalang ri KalenNa Ana' Ma'rupataua, lanipakala'biri' tommi ri Allata'ala anjo Ana' Ma'rupataua lalang ri KalenNa todong. Ba'lalo lanipakala'biri'mi linta' ri Allata'ala.