1 PETRUS 3:14 - KITTA' MATANGKASA'

¹⁴ Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

1 PETRUS 3:14 Referans Kwoze

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

MARKUS 10:29

Nakanamo Isa, “Patappa'mi angkanaya: inai-nai ambokoimi balla'na, yareka sari'battang bura'nena, yareka sari'battang bainena, yareka amma'na, yareka manggena, yareka ana'-ana'na, yareka tanana siagang kokonna passabakkang Kabara' Baji' battua ri Allata'ala,

MARKUS 8:35

Nasaba' tau eroka angkatutui tallasa'na, iami latappela' tallasa'na. Mingka tau eroka angkoro'bangkangi tallasa'na untu' iNakke, siagang untu' Kabara' Baji' battua ri Allata'ala, iami lanipasalama'.

MATIUS 19:29

Na inai-nai ambokoi balla'na, yareka sari'battanna bura'nea, yareka sari'battanna bainea, yareka anrong-manggena, yareka ana'na ngaseng, yareka kokonna, passabakkang iNakke, iami sallang langgappai ammotere' sikamma apa nabokoia a'lappi sibilangngang jaina. Siagang iami langgappai katallassang sitojennaya siagang mannannunganga.

MATIUS 16:25

Nasaba' inai-nai angkatutui nyawana, iami latappela' nyawana. Mingka inai-nai angkoro'bangkangi katallassanna untu' iNakke iami langgappai katallassanga.

1 PETRUS 3:6

Kamma tomminjo Sara, mappilangngeri mae ri Abraham siagang akkio' tuangi mae ri Abraham. Ikau kamma-kamma anne ana'-ana'na ngaseng tommaka Sara, punna nugaukang apa-apa bajika siagang tena sikali numalla'-malla' manna pole ri apa-apa mamo.

MATIUS 10:39

Inai-nai angkatutui nyawana, iami latappela' nyawana; mingka inai-nai tappela' nyawana lanri tuli jarreki pa'mai'na amminawang ri Nakke, iami langgappai katallassang satunggu-tunggua.”

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

YEREMIA 1:8

Teako mallakki mae ri ke'nanga, nasaba' iNakke lanrurungangko untu' anjagaiko. INakke Batara, anne akkana!”

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

FILIPI 1:29

Nasaba' Nasare mako pangngamaseang Allata'ala teai untu' katappakkang bawang mae ri Almasi, passangalinna untu' angkasia' tongi sessaya lanri Almasi.

MATIUS 10:31

Lanri kammana minjo, tea' mako mallakki! Nasaba' lompoangangi anggarannu naanjo jangang-jangang cui-cuia!”

LAMPA-LAMPANA 9:16

Siagang KalengKu ero' ampicinikiangi sikamma kapa'risang musti lanakasiaka passabakkang iNakke.”

YEHEZKIEL 3:9

LaKupa'jari kassakko sangkamma batu karang siagang terasa' sangkamma intang. Teako mallakki mae ri sikamma anjo tau nangaia angngewa.”

PANGNGEBARANG 3:25

Tena nuparallu malla' ri bala ti'ring battua sanrapang anging lompo, antujui tau ja'dalaka.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.