1 PETRUS 2:20 - KITTA' MATANGKASA'

²⁰ Nasaba' apa kala'bianna punna sa'barakko angkasiaki hukkungang siratang memang todonga nutarima lanri kasalannu? Mingka punna sa'barakko antarimai kasessang antujuako lanri nugaukanna katojenganga, laNabarakkaki mako Allata'ala.

1 PETRUS 2:20 Referans Kwoze

1 PETRUS 2:19

LaNabarakkakiko Allata'ala, punna sa'barakko angkasiaki panggaukang tenaya naadele' mae ri kau, lanri nuassenna ero'Na Allata'ala.

1 PETRUS 3:17

Bajikangangi sessaya lanri a'gau' baji' – punna Nakaerokang Allata'ala – naia sessaya lanri a'gau' ja'dalaka.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

LUKAS 6:32

Nasaba' apa pahalanu punna tau mangngamaseanga bawang ri kalennu nukamaseang? Manna tau dorakaya nakamaseang tonji tau mangngamaseanga ri kalenna!

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

1 KORINTUS 4:11

Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

MARKUS 14:65

Appakkaramulami siapa areang ri ke'nanga ampi'rui rupanNa Isa. Siagang natongko'mi matanNa nampa naba'ji. Nampa nakana ke'nanga, “Coba sai tappu, inai amba'jiKo?” Amminawang ngaseng tommi pangawalaka antempaka'rangi Isa.

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

EFESUS 5:10

Usahakammi nanuasseng apa Nakarannuanga pa'mai'Na Allata'ala.

GALATIA 4:18

Memang bajiki punna lompo sumangatta mae ri apa-apa kabajikanga. Assala' tuli kammana anjo. Tena nangkana iaji punna niakka' ri tangnga-tangnganu.