1 PETRUS 1:24 - KITTA' MATANGKASA'

²⁴ Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

1 PETRUS 1:24 Referans Kwoze

PAMMUJI 103:15

Sanrapangi ruku' bodona tallasa'na rupataua; a'bakkaki sanrapang bunga ri kokoa;

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

PAMMUJI 37:2

Saba' tasalloa nalanynya' ke'nanga sanrapang ruku', nakalumeng sanrapang lamung-lamung moncongbuloa.

2 KARAENG-KARAENG 19:26

Sikamma tau ammantanga anjoreng tena kullena; ta'bangkai siagang mallaki ke'nanga. Rapangi ke'nanga ruku' niaka ri paranga yareka ruku' attimboa rate ri pattongko'na ballaka, a'jari kalotoroka punna niiri' ri anging bambang battu raya.

1 YOHANES 2:17

Anne linoa siagang sikontu apa-apa niaka lalanganna, ia nakaerokia rupataua, kamma-kamma anne lanynya'mi. Mingka inai mappilangngeri ri ero'Na Allata'ala, tuli lattallasaki sa'genna satunggu-tungguna.

PAMMUJI 129:6

Boli'mi ke'nanga sanrapang ruku' rate ri pattongko' a'jari kalotoro' ri tenanapa nakkulle attimbo;

PAMMUJI 92:7

Tau dongoka takkulleai napahang, tau toloa takkulleai napahang.

PAMMUJI 102:4

Tappelaki tallasakku sanrapang umbu; a'barai buku-bukungku sanrapang pepe'.

PAMMUJI 90:5

Kilo'lorangi ikambe; sanrapang so'na, sanrapang ruku' accu'la';

AYUB 14:2

Ta'bakkaraki nampa kalumeng sanrapang bunga; lanynyaki sanrapang bayang-bayang, tulusu' a'jari lanynya'.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!